Patriarg Adriaan van Moskou
Adriaan (Russies: Адриан, gebore Andrei, Андрей; 2 Oktober 1627 - 16 Oktober 1700) was die tiende Russies-Ortodokse patriarg van Moskou en die hele Rusland, die laaste een voor die Russiese Rewolusie van 1917.
| Patriarg Adriaan | ||||
| ||||
| Kerk | Russies-Ortodokse Kerk | |||
| Setel | Moskou | |||
| Russies | Адриан | |||
| Kerkampte | ||||
| Voorganger | Patriarg Joachim | |||
| Opvolger | Stefan Jaworski (locum tenens) | |||
| Persoonlike besonderhede | ||||
| Geboortenaam | Andrei (Андрей) | |||
| Gebore | 2 Oktober 1627 | |||
| Geboorteplek | Moskou, Russiese Keiserryk | |||
| Oorlede | 16 Oktober 1700 | |||
| Sterfteplek | Moskou | |||
| Nasionaliteit | Russies | |||
| ||||
Adriaan het die aandag getrek van patriarg Joachim toe hy nog die ab van die Tsjoedof-klooster was. In 1686 het Joachim hom aangestel as aartsbiskop van Kazan en Swijazjsk. Op 24 Augustus 1690 is Adriaan gekies om Joachim te vervang. Hy was ’n streng aanhanger van tradisionele norme en het Pieter die Grote se hervormings, soos die verpligte skeer van baarde, teengestaan. Hul verhouding was gespanne, maar tog moes hy van Pieter se kritiek aanvaar oor tekortkominge in die Kerk.
Ná Adriaan se dood in 1700 het die tsaar ’n verbod geplaas op die verkiesing van ’n opvolger. Stefan Jaworski het waargeneem as locum tenens (tussentydse plaasvervanger) totdat die tsaar die patriargaat in 1721 afgeskaf en vervang het met die Heiligste Regerende Sinode met ’n aartsbiskop aan die hoof. Die patriargaat is eers weer in 1917 herstel.