Ignatius van Moskou
Ignatius (Russies: Игнатий, Grieks: Ιγνάτιος; 1540–1620) was ’n Russies-Ortodokse biskop van Griekse afkoms wat in 1605-1606 die tweede patriarg van Moskou en die hele Rusland was. Sy status word egter nou betwis en hy word dikwels uitgelaat uit die lys van patriarge van Moskou.
| Ignatius | ||||
| Kerk | Russies-Ortodokse Kerk | |||
| Setel | Moskou | |||
| Termyn | 30 Junie 1605–1606 | |||
| Russies | Игнатий | |||
| Kerkampte | ||||
| Voorganger | Job | |||
| Opvolger | Hermogenes | |||
| Persoonlike besonderhede | ||||
| Geboortenaam | Ignatius (Ιγνάτιος) | |||
| Gebore | 1540 | |||
| Geboorteplek | Kreta | |||
| Oorlede | 1620 | |||
| Nasionaliteit | Russies | |||
| ||||
Ignatius het in 1595 na Rusland gekom as deel van ’n kerksending van die patriarg van Konstantinopel. Hy het deelgeneem aan die kroning van Boris Godoenof as tsaar. Ná Godoenof se dood het hy Vals Dmitri I gesteun. Op 30 Junie 1605 is hy verkies tot patriarg in die plek van die verbanne patriarg Job. Hy het Vals Dmitri op 21 Julie 1605 as tsaar gekroon.
Ná die sluipmoord op Vals Dmitri I het tsaar Wasili IV Ignatius in aanhouding na die Tsjoedof-klooster gestuur. In 1610 het Ignatius Vals Dmitri II gesteun. In 1611 is hy bevry en het hy na Pole gegaan en hom toe in Wilno (Vilnius) gevestig. Daar het hy hom beheer tot Griekse Katolisisme.
Weens sy kroning van Vals Dmitri I en bekering tot Katolisisme word sy status as patriarg vandag dikwels betwis, hoewel dit nie in sy tyd ’n kwessie was nie.