Pegasus-spioenasieware
Pegasus is spioenasieware wat ontwikkel is deur die Israeliese kuberwapenfirma NSO Group wat heimlik vir kuberspioenasie doeleindes geïnstalleer kan word op selfone (en ander toestelle) met die meeste[1] weergawes van iOS en Android.[2] Die onthullings van Pegasus-projek in 2021 dui daarop dat die Pegasus-sagteware alle onlangse iOS-weergawes tot iOS 14.6 kan gebruik.[1] Sedert 2016 was Pegasus in staat om teksboodskappe te lees, oproepe op te spoor, wagwoorde te versamel, liggingopsporing te doen, toegang tot die mikrofoon en kamera van die teikenapparaat te verkry en inligting uit programme af te haal.[3] Die spioenasieware is vernoem na Pegasus, die gevleuelde perd van die Griekse mitologie. Dit is 'n Trojaanse perd-rekenaarvirus wat 'deur die lug' gestuur kan word om selfone te besmet.[4]
Die NSO Group was voorheen in besit van die Amerikaanse private-ekwiteitsfirma Francisco Partners,[5], maar dit is in 2019 deur sy stigters teruggekoop.[6] Die maatskappy verklaar dat dit "gemagtigde regerings voorsien van tegnologie wat hulle help om terrorisme en misdaad te bekamp" en dat dit 'n toonaangewende benadering tot menseregte het.[7][8]
Pegasus is in Augustus 2016 ontdek nadat 'n mislukte installasiepoging op die iPhone van 'n menseregte-aktivis gelei het tot 'n ondersoek waarin besonderhede oor die spioenasieware, die vermoëns daarvan en die veiligheidskwesbaarhede wat dit uitgebuit het, onthul is. Nuus oor die spioenasieware het aansienlike mediadekking veroorsaak. Dit word die "mees gesofistikeerde" slimfoonaanval ooit genoem, en dit was die eerste keer dat 'n kwaadwillige gebruik op afstand met behulp van ‘n jailbreak (om beperkings wat deur die vervaardiger of operateur opgelê is, te verwyder, bv. om die installering van ongemagtigde sagteware moontlik te maak) opgespoor is om onbeperkte toegang tot 'n iPhone te kry.[9]
Verwysings wysig
- ↑ 1,0 1,1 "Forensic Methodology Report: How to catch NSO Group's Pegasus". www.amnesty.org (in Engels). Besoek op 19 Julie 2021.
- ↑ Timberg, Craig; Albergotti, Reed; Guéguen, Elodie (19 Julie 2021). "Despite the hype, iPhone security no match for NSO spyware - International investigation finds 23 Apple devices that were successfully hacked". The Washington Post. Besoek op 19 Julie 2021.
- ↑ Boot, Max (5 Desember 2018). "An Israeli tech firm is selling spy software to dictators, betraying the country's ideals". The Washington Post. Besoek op 19 April 2019.
- ↑ Bouquet, Jonathan (19 Mei 2019). "May I have a word about… Pegasus spyware". The Guardian.
- ↑ Marczak, Bill; Scott-Railton, John (24 Augustus 2016). "The Million Dollar Dissident: NSO Group's iPhone Zero-Days used against a UAE Human Rights Defender". Citizen Lab. Besoek op 21 Desember 2016.
- ↑ Amitai Ziv "Israeli Cyberattack Firm NSO Bought Back by Founders at $1b Company Value; Two founders are partnering with European private equity fund Novalpina to purchase the controversial firm from Francisco Partners" 14 Februarie 2019, Haaretz
- ↑ Marczak, Bill; Scott-Railton, John (24 Augustus 2016) "The Million Dollar Dissident: NSO Group's iPhone Zero-Days used against a UAE Human Rights Defender". Citizen Lab. Besoek op 21 Desember 2016.
- ↑ "What is Pegasus spyware and how does it hack phones?". The Guardian (in Engels). 18 Julie 2021. Besoek op 19 Julie 2021.
- ↑ Franceschi-Bicchierai, Lorenzo (26 Augustus 2016). "Government Hackers Caught Using Unprecedented iPhone Spy Tool". Motherboard. Vice Media. Besoek op 15 Mei 2019.