Percy Fyfe-natuurreservaat

Die Percy Fyfe-natuurreservaat in die Bosveld is 'n teelstasie vir skaars en bedreigde wildsoorte.

Ligging

Hierdie reservaat van ongeveer 2500 ha is by nagnoeg 24° 5′ noord en 29° 15′ oos. Dit lê tussen die Kuschke-natuurreservaat en die Witvinger-natuurreservaat, noordoos van Mokopane en suidwes van Polokwane in Limpopoprovinsie.

Gebruik

In die reservaat kom bastergemsbokke, basterhartbeeste, swartwildebeeste, Kaapse buffels, koedoes en sebras voor. Aangeteelde diere word aan wildboere en ander reservate verskaf. Omdat die area nie die natuurlike verspreidingsgebied van die blesbok en swartwitpens is nie, is hulle uit die reservaat verwyder. Hierdie reservaat is nie toeganklik vir die publiek nie. 'n Kampeerterrein is ingerig vir jeuggroepe vir buitelugopvoeding, perdry, fietsry en hengel. Voëlwaarneming vind plaas.

Geskiedenis

Percy Poynton Fyfe het die plaas Lunsklip in 1912 gekoop en in 1930 met wildboerdery begin. Die kinderlose egpaar Fyfe het die plaas aan die Transvaalse Provinsiale Administrasie geskenk en in 1954 is dit tot natuurreservaat verklaar. Daarna is nog paaie gebou, wildkampe omhein, suipplekke vir die wild ingerig en 'n kampeerterrein uitgelê.

Bibliografie

• percyfyfe.org
• Die Percy Fyfe-natuurreservaat. In: Lantern. Tydskrif vir Kennis en Kultuur. Jaargang 20, nr. 4, Junie 1971.