Perdstandbeeld

Op 'n verkeerseiland op die kruising van Rinkstraat, Kaap- en Russellweg in Port Elizabeth staan 'n standbeeld van 'n lewensgroot perd. Dit herdenk die duisende perde wat tydens die Tweede Vryheidsoorlog vermink is en gesterf het. Alleen al aan Britse kant het meer as 300 000 perde in die oorlog omgekom. Hierdie is die enigste beeld in Suid-Afrika wat uitsluitlik aan 'n perd gewy is.

Die perdstandbeeld

Die beeld toon 'n Tommie wat voor sy perd kniel om hom uit 'n emmer te laat drink. Aan die voorkant bestaan die voetstuk uit 'n suipbak vir verbygaande perde. Op die voetstuk is die inskripsie:

The greatness of a nation consists not so much in the number of its people or the extent of its territory as in the extent and justice of its compassion.

Harriet Meyer het die inisiatief geneem vir die oprigting van die standbeeld en geld in Suid-Afrika en Engeland daarvoor ingesamel. Jospeh Whitehead was die beeldhouer. Dit is op 11 Januarie 1905 deur die burgemeester, A. Fettes, onthul. Vroeg in April 2015 is die beeld ernstig gevandaliseer.

Eksterne skakels

• Wikimedia Commons het meer media in die kategorie Perdstandbeeld.