Peter H. Gilmore

Religieuse en
LaVeyaanse satanisme
Organisasies wat met satanisme verbind word
Kerk van Satan
Eerste Satanistiese Kerk

Bekende figure
Anton LaVey | Blanche Barton | Peter H. Gilmore | Peggy Nadramia | Karla LaVey

Peter H. Gilmore (24 Mei 1958) is in 2001 deur Magistra Blanche Barton as Hoëpriester van die Kerk van Satan benoem. Sy amptelike titel in die Kerk is Magus Peter H. Gilmore, Hoëpriester van die Kerk van Satan.

As 'n verteenwoordiger van die Kerk van Satan het hy al verskeie kere onderhoude oor die onderwerp van Satanisme op televisie en radio gehad, onder meer op die TV-kanale The History Channel, BBC en The Sci-Fi Channel, asook in Bob Larson se Christelike radioprogram.

In 1989 het Gilmore en sy eggenote Peggy Nadramia daarmee begin om The Black Flame, 'n Sataniese joernaal, uit te gee. Nuwe uitgawes verskyn nog steeds sporadies. In 2005 het Gilmore 'n nuwe inleiding vir Anton LaVey se Sataniese Bybel (The Satanic Bible) geskryf, en sy essay oor Satanisme het in die Encyclopedia of Religion and Nature verskyn. Op Walpurgisnacht 2007 is 'n hardeband-uitgawe van The Satanic Scriptures vrygestel, 'n nuwe boek met 'n versameling van essays en skrifte. 'n Sagteband-uitgawe sal in Oktober 2007 in die Verenigde State vrygestel word. Die werk bevat rituele soos Sataniese huwelike en begrafnisse wat vroeër nie-openbaar was en vir die eerste keer gepubliseer word.

Peter H. Gilmore is 'n musikant van beroep en tans volgens sy eie bewering werksaam as museumkurator.

Voorafgegaan deur Anton LaVey, daarna vakant	Hoëpriester van die Kerk van Satan 2001-huidige	Opgevolg deur --

Eksterne skakels

Sommige van Peter H. Gilmore se essays oor Satanisme en kultuur is beskikbaar op die amptelike webwerf van die Kerk van Satan.

Onderhoude met Peter H. Gilmore

Endemoniada Geargiveer 30 Desember 2005 op Wayback Machine
New York Press Geargiveer 7 Oktober 2008 op Wayback Machine
CBC Canada