Petrus Jacobus "Peter" Marais (gebore op 4 September 1948) is 'n Suid-Afrikaanse politikus. Hy dien tans as lid van die Wes-Kaapse provinsiale parlement vir die Vryheidsfront Plus. Hy was die eerste bruin burgemeester van Kaapstad vanaf 2000 tot sy ontslag in 2001. Hy is hierna as die premier van die Wes-Kaap aangestel en het tussen 2001 en 2002 in die posisie gedien. Hy is bekend daarvoor dat hy al lid van talle politieke partye en bewegings was.

Peter Marais
Peter Marais
Marais in 2019

Premier van die Wes-Kaap
Ampstermyn
5 Desember 2001 – 3 Junie 2002
Voorafgegaan deur Gerald Morkel
Opgevolg deur Marthinus van Schalkwyk

Ampstermyn
7 Desember 2000 – 21 November 2001
Voorafgegaan deur Pos geskep
Opgevolg deur Gerald Morkel

Persoonlike besonderhede
Gebore Petrus Jacobus Marais
4 September 1948 (1948-09-04) (72 jaar oud)
Kaapstad
Nasionaliteit Suid-Afrikaner
Politieke party Vryheidsfront Plus
Eggenoot/-note Bonita
Alma mater Universiteit van Wes-Kaapland
Religie Christen

Marais het in Januarie 2019 by die Vryheidsfront Plus aangesluit en die party het hom as hul premierskandidaat vir die 2019-verkiesing benoem. Die party het een setel in die provinsiale parlement gewen en Marais het op 22 Mei 2019 na die provinsiale parlement teruggekeer.[1]

Vroeë lewe en familieWysig

Marais is op 4 September 1948 in Kaapstad gebore. Hy het aan Hoërskool Kensington gematrikuleer en toe aan die Universiteit van Wes-Kaapland gestudeer. Marais woon steeds in Kaapstad en is met Bonita getroud. Die egpaar het kinders en kleinkinders.

Politieke loopbaanWysig

Marais was die leier van die People's Congress Party en het die party in die kleurling Huis van Verteenwoordigers vanaf 1984 tot 1994 verteenwoordig. Hy het in 1994 by die Nasionale Party aangesluit. Hy is later in April van dieselfde jaar tot die Wes-Kaapse provinsiale parlement verkies. In 1998 het die nuutverkose premier van die Wes-Kaap, Gerald Morkel, vir Marais tot die pos van provinsiale minister van gesondheid en welsyn aangewys.[2]

Morkel het hom later in Februarie 2000 as Provinsiale minister ontslaan, maar het hom in Junie weer tot die Provinsiale Kabinet as die minister vir maatskaplike dienste en armoedeverligting aangestel.[3]

Marais was 'n senior lid van die Nuwe Nasionale Party. Hy het in Junie 2000 lid van die nuutgestigte Demokratiese Alliansie geword en het gevolglik dubbele lidmaatskap gehou. Hy was die DA se burgemeesterskandidaat vir die Stad Kaapstad Metropolitaanse Munisipaliteit. Hy is in Desember 2000 as burgemeester van Kaapstad verkies. Tony Leon, leier van die Demokratiese Alliansie, het vir Marais in Oktober 2001 as burgemeester ontslaan. Marais het hom daarna tot die Wes-Kaapse hooggeregshof beroep. Die hof het beslis dat Marais weer in die pos aangestel moet word, maar hy het toe as burgemeester bedank slegs enkele ure nadat die hof sy beslissing bekend gemaak het. Die afdanking van Marais het tot die onttrekking van die Nuwe Nasionale Party uit die Demokratiese Alliansie bygedra.[4]

Marais is op 5 Desember 2001 as premier van die Wes-Kaap verkies en het in die pos gedien tot sy bedanking op 3 Junie 2002. Hy het bedank na bewerings van seksuele teistering. Die Wes-Kaapse hooggeregshof het hom later onskuldig bevind op die aanklagte.[5] Na sy bedanking uit die Nuwe Nasionale Party, het Marais die Nuwe Arbeidersparty gestig. Die party het swak presteer tydens die 2004-verkiesing en is gevolglik ontbind.

Marais het in November 2008 by die nuutgestigte Congress of the People aangesluit en die party in 2009 verlaat.[6] Hy het saam met Danny Titus in Junie 2013 die Bruin Bemagtiging Beweging gestig.[7] Marais het in Julie 2018 by ICOSA aangesluit.[8] In Januarie 2019 het Vryheidsfront Plus-leier, Pieter Groenewald, aangekondig dat Marais die party se premierskandidaat vir die komende 2019-verkiesing is.[9]

Die Vryheidsfront Plus het een setel in die Wes-Kaapse provinsiale parlement gewen. Marais het die setel op 22 Mei 2019 gevul.[10]

VerwysingsWysig

  1. Dentlinger, Lindsay (22 Januarie 2019). "Peter Marais re-enters political ring as WC premier candidate for FF Plus". EWN (in Engels). Kaapstad. Geargiveer vanaf die oorspronklike op 23 April 2019. Besoek op 21 Januarie 2019.
  2. "Morkel reshuffles Western Cape cabinet". Mail & Guardian (in Engels). Kaapstad. 24 September 1998. Geargiveer vanaf die oorspronklike op 19 April 2019. Besoek op 21 Junie 2020.
  3. "Morkel gives Bester safety portfolio". IOL (in Engels). 28 Julie 2000. Geargiveer vanaf die oorspronklike op 19 April 2019. Besoek op 21 Junie 2020.
  4. (en) "Marais resigns". News24. 21 November 2001. Besoek op 21 Junie 2020.
  5. (en) "Peter Marais off the hook". News24. Kaapstad. 18 August 2004. Besoek op 21 Junie 2020.
  6. (en) "Peter Marais abandons COPE". EWN. Besoek op 21 Junie 2020.
  7. (en) "Brown movement not a political party". News24. Kaapstad. 18 Junie 2013. Besoek op 21 Junie 2020.
  8. Mortlock, Monique (30 Julie 2018). "Former CT Mayor Marais joins Icosa". EWN (in Engels). Kaapstad. Geargiveer vanaf die oorspronklike op 23 April 2019. Besoek op 21 Junie 2020.
  9. Mtyala, Quinton (23 Januarie 2019). "Why the FF+ and Peter Marais might just be a perfect fit". IOL (in Engels). Kaapstad. Geargiveer vanaf die oorspronklike op 23 April 2019. Besoek op 21 Junie 2020.
  10. Mortlock, Monique (22 Mei 2019). "DA's Winde elected as new WC premier". EWN (in Engels). Kaapstad. Geargiveer vanaf die oorspronklike op 25 Mei 2019. Besoek op 21 Junie 2020.

Eksterne skakelsWysig