Piazza dei Miracoli

Die Piazza dei Miracoli (Afrikaans: Plein van wonderwerke), formeel bekend as die Piazza de Duomo (Domplein), is 'n groot ommuurde gebied in die sentrum van die Toskaanse stad Pisa. Dit is bekend as een van die belangrikste sentra van middeleeuse kuns in die wêreld en as een van die mooiste argitektoniese komplekse in die wêreld.[1] Dit is deels bestraat en deels begras en word oorheers deur vier religieuse geboue: die Katedraal van Pisa, die Toring van Pisa (die Campanile van die katedraal), die doopvont (baptisterium) van Pisa en die Camposanto.

Domplein van Pisa*
Unesco-wêrelderfenisterrein

CampodeiMiracoliPisa edit.jpg
Die doopvont in die voorgrond, die Duomo in die middel, en die kloktoring (Campanile) in die agtergrond regs
Tipe kultuur
Kriteria i, ii, iv, vi
Verwysings {{{ID}}}
Streek Europa en Noord-Amerika
Koördinate 43°43′23″N 10°23′41″O / 43.72306°N 10.39472°O / 43.72306; 10.39472Koördinate: 43°43′23″N 10°23′41″O / 43.72306°N 10.39472°O / 43.72306; 10.39472
Inskripsiegeskiedenis
Inskripsie 1987  (11de Sessie)
Uitbreidings 2007
* Naam soos dit in die Wêrelderfenislys verskyn.
Streek soos deur Unesco geklassifiseer.

Die naam Piazza dei Miracoli is afkomstig van die Italiaanse skrywer en digter Gabriele D'Annunzio wat in sy boek Forse che si forse che no (1910) die plein soos volg beskryf:

Cquote1.svg L’Ardea roteò nel cielo di Cristo, sul prato dei Miracoli.

Die reier sirkel in Christus se hemel bo die weivelde van wondere.
— Gabriele d'Annunzio
Cquote2.svg

Die Domplein word dikwels foutiewelik Campo dei Miracoli (Veld van Wondere) genoem. Dié is egter 'n fiktiewe veld uit die boek Pinocchio, waar goue saad uit 'n geldboom groei.

Die oprigting van die plein is befonds uit skatte wat die Republiek van Pisa in 1063 van die Sarasene in Palermo gebuit het.

In 1987 is die plein met al sy geboue deur UNESCO tot 'n Wêrelderfenisgebied verklaar.

Panoramafoto van die Piazza dei Miracoli.

VerwysingsWysig

  1. Renzulli, Melanie (2010). Rachel Mills (red.). The Green Guide: Italy. Greenville, SC: Michelin. p. 328. ISBN 9781907099571.

Eksterne skakelsWysig

Hierdie artikel is in sy geheel of gedeeltelik vanuit die Nederlandse Wikipedia vertaal.