Treurden

Die treurden (Pinus patula) is 'n indringerplant en keëldraende boom wat tot 20 m hoog word. Dit groei in vogtige grasvelde, woudrande en paddeurgrawings. Die boom is endemies in Meksiko en Sentraal-Amerika. In Suid-Afrika groei dit in die oostelike gedeeltes; vanaf die Oos-Kaap; deur KwaZulu-Natal tot in die Laeveld.

Treurden
Bewaringstatus
Veilig  (IUCN 2.3)
Wetenskaplike klassifikasie
Koninkryk:	Plantae
Divisie:	Pinophyta
Klas:	Pinopsida
Orde:	Pinales
Familie:	Pinaceae
Genus:	Pinus
Spesie:	P. patula
Binomiale naam
Pinus patula Schiede ex Schltdl. & Cham.
natuurlike verspreiding

Voorkoms

Die boom is groot met 'n digte, geronde kroon wanneer volwassenheid bereik word. Die bas is grof en donker. Die naaldblare is in groepe van drie en neerhangend. Dit word gekweek vir kommersiële doeleindes in plantasies; die hout word gebruik vir konstruksiehout en papierpulp.

Subspesies

Die spesie het twee subspesies:

• Pinus patula var. longipedunculata Loock ex Martínez
• Pinus patula var. patula

Sien ook

• Alfabetiese lys van Suid-Afrikaanse bome
• Lys van indringerplante in Suid-Afrika

Bronne

• Natuurlewe van Suid-Afrika Duncan Butchart Struik Nature 2012 ISBN 978-1-4317-0248-0
• REDLIST Sanbi
• Plants of the World Online

Eksterne skakels

• Wikimedia Commons het meer media in die kategorie Treurden.
• Wikispecies het meer inligting verwant aan Treurden