Maak hoofkeuseskerm oop

Die Pongolapoortdam, vroeër bekend as die Josinidam, is 'n dam geleë in die Pongolarivier in 'n nou kloof in die Lebomboberge, KwaZulu-Natal, Suid-Afrika. Daar is met konstruksie begin gedurende 1963 en die dam is voltooi gedurende 1972. Die dam het 'n bakmaat van 2 492 miljoen m3 agter 'n wal wat 89 m hoog en 515 m lank is. Die dam voer 'n besproeiingskanaalstelsel op die Makatinivlakte onder die dam. Die N2 nasionale pad gaan digby die dam verby.

Pongolapoortdam
Pongolapoortdam.jpg
Amptelike naam Pongolapoortdam
Ander/vorige naam Josinidam
Ligging KwaZulu-Natal
Provinsie/Land Suid-Afrika
Koördinate 27°24′08″S 31°57′31″O / 27.40222°S 31.95861°O / -27.40222; 31.95861Koördinate: 27°24′08″S 31°57′31″O / 27.40222°S 31.95861°O / -27.40222; 31.95861
Dam op Pongolarivier
Doel Besproeiing
Konstruksie begin 1963
Openingsdatum 1972
Eienaar Departement van Waterwese
Soort dam Boogdam
Hoogte van wal 89 m
Lengte van wal 515 m
Bakmaat 2 492 miljoen m3

Dit lê gedeeltelik in Swaziland se grondgebied, en gevolglik is ʼn ooreenkoms in die verband met die buurstaat aangegaan. Die dam, wat deel uitmaak van die Pongolapoort-staatswaterskema en in 1973 teen ʼn koste van ongeveer R16 miljoen voltooi is, stel besproeiingswater aan die Makatinivlakte en Swaziland beskikbaar.

Produkte wat onder besproeiing verbou kan word, is onder meer suikerriet, lusern, koffie en piesangs. Die dam het 'n dubbelboogbetonwal met 'n kruinlengte van 515 m en 'n hoogte van 89 m. Die opvanggebied beslaan 7 831 km2 en die inhoudsvermoë is ongeveer 2 500 miljoen m3.

'n Sluis is in die linkerkant van die damwal aangebring en 'n dubbelbaanpad is boor die wal gebou. Vanweë die warm, subtropiese klimaat van die omgewing moes 'n reuseverkoelingsinstallasie tydens die konstruksie van die dam opgerig word sodat die betonmengsel met ys afgekoel kon word ten einde aan die konstruksievereistes te voldoen.

Die kanaal vertak op die regteroewer van die Pongola en voer water al langs die rivier en aan die linkeroewer van die Mkuzerivier af. Die hoofkanaal is 4,6 m diep en is ongeveer 16,8 m in deursnee aan die boonste gedeelte van die stelsel, en sowat 9,8 m in deursnee aan die onderste gedeelte daarvan.

Sien ookWysig

BronneWysig