Pontiese gebergte
Die Pontiese gebergte of Pontiese Alpe (Turks: Kuzey Anadolu Dağları, letterlik: "Noord-Anatoliese gebergte"; Ponties: Ποντιακά Παρχάραι) is 'n bergreeks in die noordooste van Turkye en die suidweste van Georgië langs die Swartseekus. Kaçkar Dağı is met 3 931 meter bo seevlak die hoogste bergpiek van die Pontiese gebergte. Dit behoort tot die Alpynse berggordel van Eurasië. Die Pontiese gebergte word deur die Kızılırmakrivier op sy pad na die Swartsee deurkruis. In die suide grens die Pontiese gebergte aan Anatolië met die antieke streek Kappadosië.
Die Pontiese gebergte is na die historiese streek Pontus langs die Swartsee genoem. Die streek se naam is afgelei van die Griekse benaming vir die Swartsee (Pontos Euxinos). In Antieke Grieks is die bergreeks Paryadres[1] of Parihedri genoem.[2]
Verwysings
wysig- ↑ (en) Strabo. "XI". Geografie (23). p. xii.4.
- ↑ (en) Plinius die ouere. "VI". Naturelle Geskiedenis (77–79). p. iix.25.
Eksterne skakels
wysig
Wikimedia Commons het meer media in die kategorie Pontiese gebergte.- (en) "Pontic Mountains". Encyclopædia Britannica. Besoek op 27 April 2019.
