Kızılırmak
Die Kızılırmak (Turks: [kɯˈzɯlɯɾmak], letterlik: "rooirivier"; antieke Griekse naam: Ἅλυς, Halys, letterlik: "soutrivier") is met 'n lengte van 1 355 km (842 myl) die langste rivier wat in sy geheel deur Turkye vloei. Dié rivier ontspring by İmranlı in die Sivas-provinsie, sowat 150 km wes van die Eufraat se bron. Aansluitend vloei dié rivier in 'n suidwestelike rigting deur die stad Sivas en bereik Kappadosië. Vanaf hier vloei die Kızılırmak in 'n noordwestelike rigting en later in 'n noordelike rigting deur Kırıkkale, sowat 80 km oos van die Turkse hoofstad Ankara. Aansluitend vloei dié rivier in 'n noordoostelike rigting deur die Pontiese gebergte en mond noordwes van Samsun en noord van Bafra in 'n wye delta in die Swartsee uit.
| Kızılırmak | |
|---|---|
 | |
 Die stroomgebied van die Kızılırmak | |
| Oorsprong | İmranlı, Sivas-provinsie, Turkye |
| Monding | Bafra/Samsun, Turkye Swartsee |
| Stroomgebied | Turkye |
| Lengte | 1 355 km (842 myl) |
| Oorspronghoogte | 2 000 m (6 562 voet) |
| Mondinghoogte | 0 m (0 voet) |
| Gemiddelde afloop | 184 m³/s |
| Stroomgebiedopp. | 78 180 km² |
 Kaart van die Kızılırmak-bekken in Asië
| |
Die Turkse naam van die Kızılırmak is afgelei van die rooi klei-sediment, wat die rivier meevoer.
Eksterne skakels
wysig
Wikimedia Commons het meer media in die kategorie Kızılırmak.
