Portret van 'n man
|
| Portret van 'n man |
| Rembrandt van Rijn, ongeveer 1655 – 1660 |
| Olie op doek, 83,5 × 64,5 cm |
| Metropolitan Museum of Art |
Portret van 'n man is 'n olieverfskildery, geskilder deur die Nederlandse meesterskilder Rembrandt van Rijn. Die tegniek wat hy gebruik het, is olie op doek met afmetings van 83,5 × 64,5 cm. Rembrandt het die skildery tussen 1655 en 1660 geskilder.
Die skildery stel 'n man voor geklee in 'n swart jas met 'n plat, wit kraag en 'n breërand swart hoed. Dit is nie bekend wie die man is nie.
Deur die jare heen het die skildery talle tuistes gehad. Die skildery was van 1854 tot 1863 in besit van Henry Petty-FitzMaurice (3de Markies van Lansdowne) en van 1863 tot 1866 in besit van Henry Petty-FitzMaurice (4de Markies van Lansdowne). In 1883 is dit deur die kunshandelaar Agnew & Sons (Londen) aan die Amerikaner Henry G. Marquand verkoop. In 1890 het Marquand sy kunsversameling aan die Metropolitan Museum of Art in New York geskenk.