Pous Benedictus I
Benedictus I (Bonosus) was die 62ste pous van die Rooms-Katolieke Kerk.
| Pous Benedictus I | |
|---|---|
| |
| Pontifikaat begin | 2 Junie 575 |
| Pontifikaat eindig | 30 Julie 579 |
| Voorganger | Johannes III |
| Opvolger | Pelagius II |
| Gebore | Rome, Italië |
| Sterf | 30 Julie 579 Rome, Italië |
| Ander pouse genaamd Benedictus | |
Biografie
wysigPous Benedictus I is gebore in Rome die seun van 'n ryk edelman met die naam Bonifatius. Die Griekse Kerk het Benedictus I Pous Bonosus genoem, (Euagrius, Hist, V, 16). Op 2 Junie 575 volg hy Pous Johannes III op en regeer tot sy dood op 30 Julie 579. Hy word opgevolg deur Pous Pelagius II. Die naam ‘Benedictus’ beteken 'die geseënde'.
Pontifikaat
wysigWeens die aanvalle van die Lombarde was kontak met Konstantinopel amper onmoontlik. Die keiser in Konstantinopel, wat die pous se verkiesing moes goedkeur, hoor eers 11 maande na die verkiesing daarvan. Die inwyding van die pous is met meer as 'n jaar vertraag omdat die keiser se toestemming Rome nog nie bereik het nie. Die pous verleen 'n erfporsie, die "Massa Veneris" in die gebied rond Miturnae aan ab Stephen van Sint Marcus by die mure van Spoleto (Gregorius I, Epistolae, IX 87, I al. 30). Die pous het ook een Desembermaand 15 priesters, 3 diakens (waaronder die latere Pous Gregorius I) en 21 biskoppe gewy. Die stad Rome is deur die Lombarde uitgehonger en die Liber Pontificalis skimp dat die pous gesterf het in sy pogings om die probleme te bowe te kom.
Verering
wysigPous Benedictus I is begrawe in die voorportaal van die Sint Pieterskerk.
Verwysings
wysig- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
Eksterne skakels
wysig- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- CE Inskrywing in die Catholic Encyclopedia (Engels)
Nota
wysigSaamgestel en vertaal uit die Nederlandse, Engelse, Duitse en Franse wikipedia.
Dit word betwyfel of die volgende pouse met die naam Benedictus hulle na hierdie pous vernoem het, maar eerder na Sint Benedictus van Nursia die stigter van die Benediktyne-kloosterorde.
Opvolging
wysig| Voorafgegaan deur Johannes III |
Pous (Pontifex Maximus) 575 – 579 |
Opgevolg deur Pelagius II |