Pous Clemens III

Clemens III was die 174ste pous van die Rooms-Katolieke Kerk van 1187 tot 1191. Die pous word soms verwar met Teenpous Clemens III.

Pous Clemens III
Geboortenaam	Paolo Scolari
Pontifikaat begin	19 Desember 1187
Pontifikaat eindig	27 Maart 1191
Voorganger	Gregorius VIII
Opvolger	Celestinus III
Gebore	Rome, Italië
Sterf	27 Maart 1191 Rome, Italië
Ander pouse genaamd Clemens

Biografie

Pous Clemens III is gebore as Paolo Scolari (ook Paulino Scolari) in Rome, Italië. Hy is in 1180 of 1181 deur Pous Alexander III as kardinaal-biskop van Palestrina aangestel. Op 19 Desember 1187 volg hy Pous Gregorius VIII op en regeer tot sy dood op 27 Maart 1191 (of 25 Maart). Hy word opgevolg deur Pous Celestinus III. Die naam ‘Clemens’ beteken 'sagmoedige'.

Pontifikaat

Pous Clemens III word as pous verkies nadat kardinaal Theobald van Ostia geweier het. Kort na sy verkiesing sluit die pous 'n ooreenkoms bereik met die volk van Rome, waarvolgens die burgers self hulle magistrate kon verkies, maar die aanstelling van die goewerneur van die stad in die hande van die pous bly. Clemens het Hendrik II van Engeland en Philip II van Frankryk aangespoor om aan die derde kruistog deel te neem. Hy het ook verskeie minder belangrike hervormings op kerklike gebied deurgevoer. Op 31 Mei 1188 het hy vrede gesluit met die volk van Rome en in April 1189 met keiser Frederik I Barbarossa deur die verdrag van Straatsburg. Hy het die meningsverskil met koning Willem I van Skotland oor die aanstelling van die biskop van St. Andrews uit die weggeruim. Skotland is verwyder uit die gebied van die aartsbiskop van York en was nou onafhanklik onder Rome. Hendrik VI het egter kwaad geword vir die pous om dat hy (die pous) Tancred van Lecce, die buite-egtelike seun van koning Roger se familie, as koning van Sisilië erken het. Pous Clemens het Otto van Bamberg, die apostel van Pommere in 1189, Stephen van Thiers in Auvergne, stigter van die kluisenaars van Grammont en Malachias O'More in 1190, heilig verklaar.

Bibliografie

• Duff, Eamon (2001). Saints and Sinners: A History of the Popes, Yale University Press. ISBN 0300091656.
• Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

Eksterne skakels

Wikisource

Die Engelse Wikisource bevat bronmateriaal oor hierdie onderwerp onder die titel:

Catholic Encyclopedia (1913)/Pope Clement III

• CE Inskrywing in die Catholic Encyclopedia (Engels)

• CF Inskrywing in die Catholic Forum (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

• GM Inskrywing in die Genealogie van die Middeleeue (Duits)

Nota

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging

Voorafgegaan deur Gregorius VIII

Pous (Pontifex Maximus) 1187 – 1191

Opgevolg deur Celestinus III