Pous Gregorius VIII

Gregorius VIII was die 173ste pous van die Rooms-Katolieke Kerk in 1187. Die pous word soms verwar met Teenpous Gregorius VIII.

Pous Gregorius VIII
Geboortenaam	Alberto de Morra
Pontifikaat begin	21 Oktober 1187
Pontifikaat eindig	17 Desember 1187
Voorganger	Urbanus III
Opvolger	Clemens III
Gebore	± 1110 Benevento, Italië
Sterf	17 Desember 1187 Pisa, Italië
Ander pouse genaamd Gregorius

Biografie

Pous Gregorius VIII is gebore as Alberto de Morra ongeveer in 1110 in Benevento, Italië uit 'n adellike familie. Op jeugdige ouderdom word hy 'n Cisterciënser monnik in die klooster van Laon. In 1120 sluit hy hom aan by die Norbertyne. Sover (2008) is hy die enigste pous uit die Norbertynse orde. Alberto word deur Pous Adrianus IV as kardinaal aangestel in 1155 en in 1158 kry hy die titelkerk van St. Lorenzo in Lucina. In 1172 woon hy die konsilie van Avranches by as pouslike legaat, waar Hendrik II van Engeland vergiffenis kry vir die moord op Thomas Becket. Op 21 Oktober 1187 volg hy Pous Urbanus III op nadat Hendrik van Clairvaux geweier het en regeer tot sy dood op 17 Desember 1187. Hy word opgevolg deur Pous Clemens III. Die naam ‘Gregorius’ beteken 'wagter'.

Pontifikaat

Pous Gregorius VIII is op 25 Oktober 1187 in die amp bevestig en sy eerste daad was om die bul "Audita tremendi" uit te reik op 29 Oktober 1187 waarin hy die oproep tot die derde kruistog na die verlies van die slag van Hattin en die verowering van Jerusalem deur Saladin op 2 Oktober 1187. Die pous het nooit die derde kruistog sien gebeur nie, want sterf aan koors nog dieselfde jaar.

Bibliografie

• Duff, Eamon (2001). Saints and Sinners: A History of the Popes, Yale University Press. ISBN 0-300-09165-6.
• Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Eksterne skakels

Wikisource

Die Engelse Wikisource bevat bronmateriaal oor hierdie onderwerp onder die titel:

Catholic Encyclopedia (1913)/Pope Gregory VIII

• CE Inskrywing in die Catholic Encyclopedia (Engels)

• CF Inskrywing in die Catholic Forum (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• PTA Inskrywing in "Popes through the Ages" deur J. Brusher S.J. (Engels)

• GM Inskrywing in die Genealogie van die Middeleeue (Duits)

Nota

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging

Voorafgegaan deur Urbanus III

Pous (Pontifex Maximus) 1187 – 1187

Opgevolg deur Clemens III