Pous Johannes XI

Johannes XI was die 125ste pous van die Rooms-Katolieke Kerk.

Pous Johannes XI
Pontifikaat begin Februarie 931
Pontifikaat eindig Desember 935
Voorganger Stefanus VII (VIII)
Opvolger Leo VII
Gebore ± 910
Rome, Italië
Sterf Desember 935
Rome, Italië
Ander pouse genaamd Johannes

Biografie wysig

Pous Johannes XI is gebore in Rome, Italië, die seun van Marozia en vermoedelik ook van Pous Sergius III [1] ("Johannes, natione Romanus ex patre Sergio papa", "Liber Pont." ed. Duchesne, II, 243). Ander bronne verklaar dat hy die seun is van Alberic I, koning van Italië.[2] Indien Johannes wel die seun van Pous Sergius III was, is hy die enigste buite-egtelike seun van 'n pous wat ooit pous geword het. Pous Silverius was die seun van Pous Hormisdas uit 'n wettige huwelik. Voor sy verkiesing was Johannes kardinaal-priester van Santa Maria in Trastevere. In Februarie of Maart 931 volg hy Pous Stefanus VII (VIII) op en regeer tot sy dood in Desember 935 of Januarie 936. Hy word opgevolg deur Pous Leo VII. Die naam ‘Johannes’ beteken 'God is genadig'.

Pontifikaat wysig

Pous Johannes XI staan sterk onder die invloed van sy ma, Marozia. Hy het die hervorming van die kloosterlewe gesteun, veral die van die klooster van Cluny.

Toe Marozia in die somer van 932 weer trou met haar swaer, koning Hugo van die Provence, het die pous se jonger halfbroer koning Alberic II in Desember, die pous en sy moeder gevange geneem.[3] Johannes se mag is beperk tot kerklike sake en hy moes na Alberic se pype dans. Hy moes die patriarg van Konstantinopel en aartbiskop Artold van Reims in 933 vereer met die pallium.

Die pous is dood gedurende sy gevangeskap.

Bibliografie wysig

  • Duff, Eamon (2001). Saints and Sinners: A History of the Popes, Yale University Press. ISBN 0-300-09165-6
  • Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0-500-01798-0.

Verwysings wysig

  1. Gregorovius, Ferdinand (1903), The History of the City of Rome in the Middle Ages, vol. III (2nd ed.), London: George Bell & Sons, pp. 254
  2. Poole, Reginald L. (1917). "Benedict IX and Gregory VI". Proceedings of the British Academy 8: 230.
  3. John XI." Encyclopædia Britannica. 2008. Encyclopædia Britannica Online. 22 Mei 2008 <http://www.britannica.com/eb/article-9043761[dooie skakel]>

Eksterne skakels wysig

 
Wikisource
Die Engelse Wikisource bevat bronmateriaal oor hierdie onderwerp onder die titel:
  • BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
  • PTA Inskrywing in "Popes through the Ages" deur J. Brusher S.J. (Engels)


Nota wysig

Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.

Opvolging wysig

Voorafgegaan deur
Stefanus VII
Pous (Pontifex Maximus)
931935
Opgevolg deur
Leo VII