Pous Liberius
Liberius was die 36ste pous van die Rooms-Katolieke Kerk en die eerste een wat (nog) nie heilig verklaar is nie. Die ”St.” in die onderskrif van die afbeelding is dus foutief.
| Pous Liberius | |
|---|---|
| |
| Geboortenaam | Liberius |
| Pontifikaat begin | 17 Mei 352 |
| Pontifikaat eindig | 24 September 366 |
| Voorganger | Julius I |
| Opvolger | Damasus I |
| Gebore | |
| Sterf | 24 September 366 |
Biografie wysig
Oor die persoon van Pous Liberius is omtrent niks bekend nie. Op 17 Mei 352 volg hy Pous Julius I op en regeer tot sy dood op 24 September 366. Hy word opgevolg deur Pous Damasus I. Die naam ‘Liberius’ beteken “die vrye”.
Pontifikaat wysig
Sy pontifikaat word gekenmerk deur die geweldige interne stryd met die Ariane, waarvan keiser Konstantius II een was. Die keiser het die pous afgeset en Teenpous Felix II aangestel, omdat die Pous saam met Eusebius van Vercelli, Dionisius van Milaan en Lucifer van Cagliari geweier het die verwerping van Athanasius, patriarg van Alexandrië te bekragtig. Tydens die stryd is Pous Liberius verban na Beroea in Trasië en daar word deur sekere antieke skrywers beweer dat hy in ballingskap afvallig geword het, terwyl ander die teenoorgestelde beweer. Sien die skakel na die “Catholic Encyclopedia” onder eksterne skakels vir volle besonderhede oor die aangeleentheid. Na drie jaar ballingskap keer Liberius terug na Rome en die keiser het bepaal dat hy en Felix II die kerk saam moet regeer. Die volk van Rome het daarteen in opstand gekom en Felix II verdryf. Pous Liberius het na die dood van die keiser in 361 al die besluite van die Konsilie van Rimini wat deur die keiser gehou is, ongeldig verklaar. In 366 het Liberius die meer gematigde Semi-Ariane weer in die kerk opgeneem.
Verering wysig
Pous Liberius is nie heilig verklaar nie.
Verwysings wysig
- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
- STUDER, B., Dictionnaire encyclopédique du christianisme ancien, 1990, p. 1441-1442
- Dumont (É.), Saint Libérius, son exil, sa prétendue faiblesse, son triomphe, Revue des Questions Historiques, 1866.
Eksterne skakels wysig
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- CE Inskrywing in die Catholic Encyclopedia (Engels)
Nota wysig
Saamgestel uit die Nederlandse, Engelse, Duitse en Franse wiki’s.
Opvolging wysig
| Voorafgegaan deur Julius I |
Biskop van Rome 352 – 366 |
Opgevolg deur Damasus I |