Pous Sergius II

Pous Sergius II
Pous Sergius II
Pontifikaat begin	Januarie 844
Pontifikaat eindig	27 Januarie 847
Voorganger	Gregorius IV
Opvolger	Leo IV
Gebore	; Rome, Italië
Sterf	24 Januarie 847; Rome, Italië
	Ander pouse genaamd Sergius

Sergius II was die 102de pous van die Rooms-Katolieke Kerk.

Biografie

Pous Sergius II is gebore Rome, Italië. In Januarie 844 volg hy Pous Gregorius IV op en regeer tot sy dood op 27 Januarie 847. Hy word opgevolg deur Pous Leo IV. Die naam ‘Sergius’ beteken 'dienaar'.

Pontifikaat

Pous Sergius II is tot pous verkies nadat hy sy teenstander Teenpous Johannes VIII uitgeskakel het. Deur die toedoen van pous Sergius word Johannes se lewe gespaar en word hy na 'n klooster verban. Sergius is gekroon sonder die goedkeuring van Lotarius I die keiser van die Heilige Romeinse Ryk. Die keiser stuur sy seun Lodewyk met 'n leër na Rome. As kompromis is Lodewyk as koning van die Lombarde gekroon.

Tydens Sergius se bewind is Rome geplunder deur die Sarasene. Hulle plunder ook die Sint Pieterskerk en die Sint Pauluskerk. In Augustus 846 val die Sarasene ook Ostia en Porto aan.

Sergius het die stad Rome herontwikkel, maar het (vermoedelik deur sy broer Benedictus) van verdagte metodes gebruik gemaak om geld te bekom. Simonie het hoogty gevier tydens sy pontifikaat.

Twee verskillende uitgawes van die "Liber Pontificales" gee teenstellende beskryings van die pous. In een uitgawe het hy hom aan die vleeslike genietinge oorgegee en die kerksake aan sy broer Benedictus oorgelaat. Hy sou bowendien aan jig gely het. Die ander uitgawe is egter baie positief oor hom.

Bibliografie

Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
Duff, Eamon. Saints and Sinners: A History of the Popes, Yale University Press, 2001. pp 62–63. ISBN 0300091656
Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002. ISBN 0500017980.

Eksterne skakels

CE Inskrywing in die Catholic Encyclopedia (Engels)

PTA Inskrywing in "Popes through the Ages" deur J. Brusher S.J. (Engels)

Nota

Saamgestel en vertaal uit die Nederlandse, Engelse, Duitse en Franse wikipedia.

Opvolging

Voorafgegaan deur Gregorius IV	Pous (Pontifex Maximus) 844 – 847	Opgevolg deur Leo IV