Prins Alexis Romanov
Prins Alexis Andreievich Romanov (Afrikaanse transliterasie: Aleksei Andrejewitsj Romanof; gebore 27 April 1953)[1][2] is sedert 2021, met die afsterwe van sy vader, 'n aanspraakmaker op die hoofskap van Rusland se Huis van Romanof saam met groothertogin Maria Wladimirowna.
Prins Alexis Andreievich | |
|---|---|
| Gebore | Alexis Andreievich Romanov 27 April 1953 |
| Bekend vir | Hoof van die Huis van Romanof (betwis) |
| Titel | Prins van Rusland (Huis van Holstein-Gottorp-Romanof) |
| Termyn | 2021-tans |
| Voorganger | Prins Andrew Romanoff |
| Eggenoot | Zoetta Leisy |
| Ouer(s) | Prins Andrew Ramanoff en Elena Konstantinovna Durneva |
Ondersteuners van groothertogin Maria beskou prins Alexis nie as 'n dinastiese prins nie, maar as prins Alexis Andreievich Romanovsky. In sy professionele lewe is hy bekend as Alex Romanoff.
Prins Alexis is in San Francisco, Kalifornië, gebore as die enigste seun van prins Andrew Romanoff en sy eerste vrou, Elena Konstantinovna Durneva.[1][3] Hy is lid van die Russies-Ortodokse Kerk.[4]
Prins Alexis is 'n agter-agterkleinseun van tsaar Aleksander III, en is lid van die Michailowitsji-tak van die direkte manlike Romanof-afstammelinge van tsaar Nikolaas I.