Quthing
Quthing is 'n dorp in die suide van Lesotho met ongeveer 27 300 inwoners[1]. Dit is 13 km van die grens met Suid-Afrika en suid van die Senqurivier (bekend as die Oranjerivier in Suid-Afrika) geleë.
Quthing | |
|---|---|
  Quthing | |
| Koördinate: 30°24′0″S 27°42′0″O / 30.40000°S 27.70000°O | |
| Land |  Lesotho |
| Distrik | Quthing |
| Hoogte | 1 515 m (4 970 ft) |
| Bevolking | |
| • Totaal | 27 314[1] |
| Tydsone | UTC+2 (SAST) |
Quthing is 'n landelike nedersetting in Lesotho so ongeveer 400 km vanaf die hoofstad Maseru af. Die Telebrug-grenspos bied toegang tot die dorp en is 'n klein grenspos in die Oos-Kaapse provinsie. Vroeër is die grenspos slegs deur lede van die Suid-Afrikaanse Polisiediens beman.
Quthing is ongeveer 1200 km van Kaapstad af geleë. Gastehuise en winkels is ook in die dorpie gevestig wat oorwegend deur Sothosprekende mense bewoon word. Daar is 'n goeie teerpad vanaf die naaste dorp aan die Suid-Afrikaanse kant tot by Telebrug, vanwaar 'n grondpad aan die Lesothokant strek.