Rainforestation natuurpark
|
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Die Rainforestation natuurpark is sowat 5 minute vanaf Kuranda, Noord-Queensland in Australië geleë. Dit beslaan 'n 40 hektaar gebied te midde van die Wêrelderfenis reënwoud. Die park is in 1976 oopgemaak. Die gebied is voorheen gebruik vir die verbouïng van koffie en lemoene. Vandag het die Rainforestation baie uitgebrei met die doel om besoekers 'n insig in die inboorlingkultuur te gee, die Australiese natuurlewe en die reënwoud wat gelys is as 'n Wêrelderfenisgebied.
Rainforestation het drie hoofbesienswaardighede:
Die militêre boot toer – Neem die besoekers deur die reënwoud aan boord van 'n Tweede Wêreldoorlogse DUKW amfibiese tuig met 'n gids wat die plaaslike plant- en dierlewe toelig. Die toer gaan verder oor die waters van 'n groot meer en gaan ook deur 'n tropiese vrugtebord waar daar meer as 40 verskillende eksotiese tropiese vrugtebome aangeplant is.
Pamagirri Aborigine Ervaring – Hier word besoekers bekendgestel aan Aborigine kultuur. 'n Aborigine dans word opgevoer en 'n wandelroete waar besoekers leer om 'n boemerang te gooi en die didgeridoo te speel.
Koala & Wildlife Park – Laat mens toe om oor verhoogde plankpaadjies die natuurlewe te besigtig wat krokodille, koalas, kangaroes, Wallabies, dingos en wombats onder andere insluit.