Raithby

Raithby is 'n dorpie in die munisipale gebied van Stellenbosch.

Ligging

Raithby lê aan die voet van die Helderberg en net wes van die R44-pad tussen Somerset-Wes en Stellenbosch.

Bevolking

Hierdie landelike gemeenskap het 'n inwonertal van net onder die duisend. Daar is 'n laerskool en 'n kerk. Rondom die dorpie is wingerdplase waarop 'n groot aantal van die inwoners werk.

Stigting

Eerw. Barnabas Shaw (1788–1857), 'n Wesleyaanse Metodiste-sendeling in Suid-Afrika, het op 15 Oktober 1844 die plaas Keukenvallei in die streek wat toe bekend gestaan het as Moddergat aangekoop as 'n sendingstasie vir vrygestelde slawe. Die skool is in 1845 gestig en die kerk in 1849.

Naam

Die dorpie is in 1851 tot Raithby herdoop. Mev. Brackenbury van Raithby by Spilsby in Engeland het die geld vir drie morg grond en 'n huis vir die sendeling verskaf.

Trivia

Raitby by Spilsby in die graafskap Lincolnshire is 47 km oos van Lincoln en 23 km wesnoordwes van Skegness. Die Greenwich-meridiaan loop deur die dorp.

Bibliografie

• Willemse, Catherine: Met 'n diepe verlange. Kaapstad: Human & Rousseau, 2006. ISBN 0-7981-4632-X
• www.rurugby.yolasite.com/raithby.village