Maak hoofkeuseskerm oop
Randall Wicomb
GeboortenaamRandall Charles Wicomb
Geboorte(1949-01-30)30 Januarie 1949
Kaapstad
Afsterwe27 Desember 2015 (op 66)
Stellenbosch, Suid-Afrika
Beroep(e)Sanger
Instrument(e)Stem, Kitaar, Klavier
Webwerfrandallwicomb.co.za
Portal.svg Musiekportaal

Randall Charles Wicomb (* 30 Januarie 1949; † 27 Desember 2015) was 'n Afrikaanse sanger en driemalige wenner van die ATKV se Crescendo-sangkompetisie (1975, 1976 en 1977).

Inhoud

LewensgeskiedenisWysig

Hy voltooi sy skoolloopbaan aan die Hoërskool Jan van Riebeeck in Kaapstad. Na skool doen hy militêre opleiding in die Valskermbataljon. Hy behaal die graad B.Sc Honneurs (Ekologie) aan die Universiteit van Stellenbosch, waarna hy kortstondig klasgee aan die Hoërskool Durbanville en Paul Roos Gimnasium op Stellenbosch.

Hierna bekwaam hy homself as kopersmid by Pieter van Dijk se ateljees in Kaapstad waarna hy volwaardige kopersmidwerk as kuns en opdragwerk beoefen. Hy was ook 'n ywerige antieke glasbottel-/artefakteversamelaar en het ook metaalverklikkeropsporing as stokperdjie beoefen.

Uit sy huwelik met Koba is drie kinders gebore en sy en die drie kinders Pierre-Henri, Saskia en Kobâ het as hele gesin gesamentlik of indiwidueel saam met hom opgetree.

Siekte en afsterweWysig

Hy is in 2013 met prostaatkanker gediagnoseer.[1] Sy lewensverhaal, getiteld "Kleur – my lewe, my lied", is deur die bekende Pretoriase uroloog, dokter Amos van der Merwe, geskryf.[1]

Op 27 Desember 2015, as gevolg van die kanker, sterf Randall Wicomb omstreeks 03:45 in sy huis te Stellenbosch.[2]

DiskografieWysig

  • Kalaharikrismis
  • Hie Langes My
  • Oos Wes, Tuis Bes, 16 gedigte van ADAM SMALL met toonsettings deur Randall Wicomb
  • Die Blink Vosperd
  • Griekwa Psalms
  • Hie Neffens My
  • Uiteindelik
  • Die Rooi Rok
  • Hiep-Hiep-Hoera!
  • Hartland
  • Die boerklong se baadtjie staan punt in die wind
  • Sê Dit
  • Die boerklong se baadjie staan punt in die wind, kasset
  • Kleur

Sien ookWysig

VerwysingsWysig

  1. 1,0 1,1 Gasspreker op "Ontbytsake" deur kykNET uitgesaai op 21 November 2015.
  2. Randall Wicomb sterf, Netwerk24, besoek op 27 Desember 2015.

Eksterne skakelsWysig