Rastatt

Rastatt [ˈʁaʃtat] is 'n stad in die deelstaat Baden-Württemberg, Duitsland met 'n bevolking van sowat 47 000. Dit is geleë op die Murgrivier, 6 km bo sy aansluiting met die Ryn, sowat 22 km suidwes van Karlsruhe en 12 km noord van Baden-Baden. Rastatt is die naamgewende nedersetting en administratiewe setel van die distrik Rastatt.

Rastatt
Kaart	Wapen



	Logo


Land	Duitsland
Deelstaat	Baden-Württemberg
Koördinate	48°51′N 8°12′O / 48.850°N 8.200°O / 48.850; 8.200
Stigting (eerste verwysing)	1084
Stadstatus	Omstreeks 1700
Oppervlakte	59,02 km²
Hoogte bo seevlak	115 m
Bevolking:
- Totaal (31 Desember 2013)	47 110^[1]
- Bevolkingsdigtheid	798,2/km²
Tydsone	UTC +1 (MET)
- Somertyd	UTC +2 (MEST)
Burgemeester	Hans Jürgen Pütsch
Amptelike Webwerf	rastatt.de

Rastatt het in 1714 internasionale bekendheid verwerf toe die Spaanse Opvolgingsoorlog met die ondertekening van die Vredesverdrag van Rastatt beëindig is. In die 18de eeu het in Rastatt, wat destyds as regeringsetel van die Markgraafskap Baden-Baden gedien het, weelderige geboue in die barokstyl ontstaan. In die 19de eeu is die stad tot 'n federale vesting uitgebou en het tot in die laat 20ste eeu as garnisoenstad gedien. Vanweë sy militêre betekenis het die stad 'n belangrike rol in die Badiese Rewolusie van 1849 gespeel.

In 1992 het die motorvervaardiger Mercedes-Benz 'n vervaardigingsaanleg in Rastatt geopen.