Richard I van Boergondië

Richard I van Boergondië of Richard Justiciarius (de Rechtsbrenger, die Bringer van Geregtigheid) (8581 September 921), was vanaf 880 graaf van Autun, en die grondlegger van die Hertogdom Boergondië (918-921).

Richard I van Boergondië

Opgevolg deur Roedolf van Frankryk

Graaf van Auxerre
Voorafgegaan deur Girbold
Opgevolg deur Roedolf van Frankryk

Persoonlike besonderhede
Gebore 858
Sterf 1 September 921 (op ongeveer 63-jarige ouderdom)
Auxerre
Kind(ers) Roedolf
Hugo die Swarte
Boso I
Ermengard van Boergondië
Adelheid van Boergondië
Richildis van Boergondië

LewensloopWysig

Richard was 'n Bosonied en die seun van Bivinus van Metz en Richildis. Sy ouer broer was Boso van Provence, en sy jonger suster Richildis, die tweede vrou van Karel die Kale.

In 875, na die dood van Keiser Lodewyk III, het Richard en Boso vir Karel na Italië vergesel vir sy kroningseremonie. Karel het in Februarie 876 in Pavia, terwyl hy voorberei het vir sy terugkeer, vir Boso as "Hertog en Onderkoning van Italië en Hertog van Provence" benoem. Boso het in 877 by Karel se afsterwe na Frankryk teruggekeer en die administrasie van Italië en die hertogdom van Provence aan Richard en Hugo die Ab toevertrou, as sogenaamde missi dominici.[1]


 
Kaart van die drie gebiede van die ou Koninkryk van Boergondië, omstreeks 900.
██ Bo-Boergondië ██ Benede-Boergondië ██ Hertogdom van Boergondië van Richard "die Bringer van Geregtigheid"

In 879 het Boso homself as "Koning van Provence" verklaar na die dood van Lodewyk die Stamelaar. Richard het egter Boso se heerskappy uitgedaag en die graafskap van Autun oorgeneem, wat Karloman II van Frankryk in 880 amptelik aan hom toegestaan het. Richard en Karloman II het hul magte saamgevoeg tydens die Slag van Saône. Richard het Mâcon beset en dit in die naam van Karloman II en Lodewyk III onder bevel van Bernard Plantapilosa beveilig. Nadat hy Lyon ingeneem het, het hy sy ouer broer se hoofstad Vienne beleër, waar Lodewyk III, Karloman II, en keiser Karel III die Dikke by hom aangesluit het. Richard het Boso uiteindelik in 882 verdryf en sy vrou Ermengarde van Italië en haar kinders Engelberga en Lodewyk die Blinde gevange geneem en hulle na Autun gestuur. Boso het in Provence gaan skuiling soek.

Na die dood van Karel die Dikke in 888, het Richard Roedolf se aanspraak op die koningskap van Boergondië ondersteun. Hy is getroud met Roedolf se suster Adelheid, dogter van Koenraad II van Auxerre. Richard het ook in 890 die troonbestyging van sy neef Lodewyk as Koning van Provence ondersteun.

Richard is in Sens begrawe. By sy sterfbed is hy deur 'n biskop vermaan om om genade te smeek omdat hy soveel bloed in sy lewe gestort het. Hy het as volg daarop geantwoord:

  Wanneer ek 'n struikrower gedood het, het ek die lewens van eerlike mans gered, en die dood van een het gehelp om te verhoed dat sy medepligtiges meer bose dinge aanvang
 

FamilieWysig

Hy het verskeie kinders gehad by sy vrou Adelheid (getroud in 888),[2], dogter van Koenraad II en Waldrada van Worms:

VerwysingsWysig

  1. Missus dominicus (meervoud: missi dominici) is Latyn vir "gesant[e] van die heer [heerser]", of paleisinspekteur. Dit staan in Nederlands bekend as 'n Zendgraaf en in Duits as Sendgraf ("gestuurde Graf"). In wese was dit 'n amptenaar wat deur 'n Frankiese koning of Keiser van die Heilige Romeinse Ryk opdrag gegee is om toesig te hou oor die administrasie van 'n gebied, veral wat die toepassing van die reg betref. Die gebiede waaroor die koning geheers het, was tipies te ver geleë vir gereelde persoonlike besoeke en behoorlike administrasie. As sodanig was die missus 'n belangrike tussenganger tussen koninklike en plaaslike administrasies. Hy kan vergelyk word met die oorspronklike Romeinse corrector, behalwe dat die missus op gereelde basis uitgestuur is.
  2. The Bosonids or Rising to Power in the Late Carolingian Age, Constance B. Bouchard, French Historical Studies, Vol. 15, No. 3 (Spring, 1988), 415.
  3. Constance Brittain Bouchard, Sword, Miter, and Cloister: Nobility and the Church in Burgundy, 980–1198, (Cornell University, 1987), 320.
  4. Constance Brittain Bouchard, Sword, Miter, and Cloister: Nobility and the Church in Burgundy, 980–1198, 320.
  5. Constance Brittain Bouchard, Sword, Miter, and Cloister: Nobility and the Church in Burgundy, 980–1198, 320.

BronneWysig