Richard Saul
Vise-lugmaarskalk Richard Ernest Saul, CB DFC (16 April 1891 - 30 November 1965) was 'n vegvlieënier tydens die Eerste Wêreldoorlog en 'n senior bevelvoerder van die Britse Koninklike Lugmag (RAF) tydens die Tweede Wêreldoorlog.
| Richard Ernest Saul | |
|---|---|
 Vise-lugmaarskalk Richard Saul c.1940 | |
| Geboortedatum | 16 April 1891 Dublin, Ierland |
| Sterfdatum | 30 November 1965 (op 74) |
| Toekennings | Companion of the Order of the Bath Distinguished Flying Cross Mentioned in Despatches Knight of the Order of the Crown (België) Croix de guerre (België |
Vroeë jare
wysigSaul is in 1891 in Dublin, Ierland, gebore. Aan die begin van die Eerste Wêreldoorlog was hy 'n tweede luitenant in die Royal Army Service Corps, maar teen 1916 was hy 'n Flying Officer (verkenner) by 16 Eskader van die Leër se Royal Flying Corps. [1] Gedurende die oorlog het hy gevorder tot bevelvoerder van 4 Eskader en na die wapenstilstand lei hy 7 Eskader en daarna 12 Eskader. In 1925 neem hy die bevel van nr. 2 Eskader oor. As 'n ywerige sportman het Saul rugby en hokkie vir die RAF gespeel; en in beide 1928 en 1932 was hy die RAF-tenniskampioen.
In September 1933 word Saul aangestel as die bevelvoerende offisier van 203 Eskader wat uit Basra in Irak opereer het. In 1935 lei Saul 'n vlug van vlieënde bote van sy eskader op 'n langafstandvlug van Plymouth na Basra. [1]
Tweede Wêreldoorlog en daarna
wysigGedurende die Tweede Wêreldoorlog was Saul vanaf 1939 lugoffisier by Groep 13, lugoffisier by Groep 12 vanaf 1940, en vanaf 1943 'n lugoffisier in die Oostelike Middellandse See.[1]
Saul het op 29 Junie 1944 uit die RAF getree en was daarna die voorsitter van die Verenigde Nasies se Hulp- en Rehabilitasie- administrasie op die Balkan. [1] Daarna tree hy op as ondervoorsitter van die Internasionale Vervoerkommissie in Rome. Nadat Saul Rome in 1951 verlaat het, het hy as bestuurder van die Universiteit van Toronto se boekwinkel gewerk totdat hy uiteindelik in 1959 afgetree het. Richard Saul is op 30 November 1965 oorlede nadat hy twee dae tevore deur 'n motor getref is.