Riquewihr (Duits: Reichenweier) is 'n stad in die Franse gewes Grand Est met 'n bevolking van 1 109 in 2015. Riquewihr lê in die arrondissement Ribeauvillé en in die kanton Kaysersberg. Vanweë sy 16de eeuse argitektuur, wat volledig bewaar is, word Riquewihr deur die organisasie Les Plus Beaux Villages de France as een van die mooiste in Frankryk gelys.

Riquewihr
Die poort na die ou stadswyk van Riquewihr
Die poort na die ou stadswyk van Riquewihr
Riquewihr is in Frankryk
Riquewihr
Riquewihr
Koördinate: 48°10′02″N 7°17′52″O / 48.16722°N 7.29778°O / 48.16722; 7.29778Koördinate: 48°10′02″N 7°17′52″O / 48.16722°N 7.29778°O / 48.16722; 7.29778
LandVlag van Frankryk Frankryk
GewesGrand Est
DépartementBlason département fr Haut-Rhin.svg Haut-Rhin
ArrondissementRibeauvillé
KantonKaysersberg
Stigting6de eeu
Regering
 • BurgemeesterDaniel Klack (2014-2020)
Oppervlak
 • Totaal17,04 km2 (6 58 vk, m,)
Hoogte
230–936 m (750–3 071 ft)
Bevolking
 • Totaal1 109
 • Digtheid65/km2 (170/vk, m,)
Poskode
68340
Skakelkodes68277
Webwerfriquewihr.reseaudescommunes.fr

GeskiedenisWysig

 
Porte Haute (Duits: Obertor), 16de eeu.

Riquewihr het vanuit 'n landgoed ontwikkel, wat in die 6de eeu deur Richo,'n Frankiese inwoner, onder die naam Richovilla gestig is. In 1320 het Riquewihr, wat destyds 'n besitting van die grawe van Horburg was, stadstatus verkry. Vier jaar later is die stad aan die huis Württemberg-Montbéliard (Duits: Württemberg-Mömpelgard) verkoop en het deel uitgemaak van Württemberg. Die hertoë van Württemberg het in die 16de eeu ook die Protestantse reformasie in Riquewihr ingevoer, en die meerderheid van die bewoners is nog steeds Lutherane. Riquewihr is in 1793 by Frankryk ingelyf.

EkonomieWysig

Riquewihr is een van die belangrikste sentrums van die wynboubedryf in Elsas. Die stad steun daarnaas ook op die toerisme, veral dagbesoekers.

BesienswaardighedeWysig

 
Straat in Riquewihr

Riquewihr spog met 'n unieke ou stadskern, wat saam met sy versterkings byna volledig bewaar is.

MuseumsWysig

Die belangrikste museums van Riquewihr is die Musée Hansi, wat die werke van die grafiese kunstenaar Jean-Jacques Waltz vertoon; die Musée de la Poste (Posmuseum) in die voormalige Württembergse kasteel en die Musée de la Tour des Voleurs ('n voormalige gevangenis met folterkamer in die ou Joodse kwartier.