Robert A. Heinlein
Robert Anson Heinlein (7 Julie 1907 – 8 Mei 1988) was 'n Amerikaanse roman en wetenskapsfiksie-skrywer. Hy word beskou as een van die gewildste, invloedrykste en omstrede skrywers van wetenskapsfiksie. Hy was van die eerste in dié genre om deur te breek na die populêre massamark.
Robert A. Heinlein | |
|---|---|
 Robert Anson Heinlein | |
| Gebore | 7 Julie 1907 Butler, Missouri |
| Sterf | 8 Mei 1988 (op 80) Carmel, Kalifornië |
| Nasionaliteit |  Verenigde State |
| Beroep | Romanskrywer, kortverhaalskrywer, essayis, draaiboekskrywer |
| Eggenoot | Elinor Curry (huwelik in 1929, geskei) Leslyn MacDonald (1932–47, geskei) Virginia "Ginny" Gerstenfeld (huwelik in 1948) |
| Ouer(s) | Rex Ivar Heinlein Bam Lyle Heinlein |
| Handtekening | |
 | |
Sy oeuvre het herhaalde sosiale temas: die belang van individuele vryheid en selfbeskikking, die verantwoordelikheid van die individu aan sy of haar sosiale maatskappy, die invloed van georganiseerde godsdiens op kultuur en regering, asook die neiging van die sosiale maatskappy om non-konformerende denke te onderdruk.
Hy ondersoek ook die verhouding tussen emosionele en fisiese liefde, spekuleer oor onortodokse familiegroeperings, en oor die invloed van ruimtereis op die kulturele praktyke van die mensdom.
Heinlein het vier Hugo-toekennings gewen, en daarby het drie van sy ander werke retrospektiewelik dieselfde toekenning gewen 50 jaar na die jaar waarin dit nie toegeken was nie.
Biografie
wysig
Heinlein is gebore in die dorpie Butler, in Missouri, alhoewel sy kinderjare deurgebring is in Kansas City, Missouri. Hierdie area is algemeen bekend as die "Bible Belt" en die invloed is duidelik bespeurbaar in sy werk.
Na skool gaan hy na die Amerikaanse vlootakademie en voltooi daar sy opleiding in 1929. Hy word uiteindelik 'n luitenant in die vloot, maar word ontslaan weens gesondheidsredes in 1934.
Sy eerste huwelik met Eleanor Curry van Kansas City, in 1929, duur net 'n jaar. Sy tweede huwelik met Leslyn Mcdonald duur vanaf 1932 tot 1947.
Na sy vlootloopbaan kry hy vir 'n paar jaar finansieel swaar, voordat hy hom na skryfwerk begin wend om 'n huislening te probeer afbetaal.
Sy eerste kortverhaal word in 1939 gepubliseer. Tydens die Tweede Wêreldoorlog werk hy weer as ingenieur vir die vloot en werf tydens die tydperk ook twee ander groot wetenskapfiksie-skrywers — Isaac Asimov en L. Sprague de Camp – om in die bootwerf te Philadelphia te werk.
Hy trou in 1948 met Virginia Gerstenfeld en bly getroud met haar tot met sy dood veertig jaar later. Sy dien dikwels as model vir van sy sterk vroulike protagoniste.
Hy publiseer, wat beskou word as sy meesterwerk, Stranger in a Strange Land in 1961. Die boek word beskou as die nie-amptelike "bybel van die hippie-beweging" later in die 1960’s.
Na verskeie probleme met sy gesondheid – 'n aanval van peritonitis, en hartsiekte – sterf hy in sy slaap weens die komplikasies van emfiseem en hartversaking.
Verkorte bibliografie
wysig- The Green Hills of Earth - 1947
- Space Cadet - 1948
- Red Planet - 1949
- Farmer in the Sky - 1950 (Retrospektiewelike Hugo-toekenning - 1951)
- The Puppet Masters - 1951
- "The Man Who Sold the Moon" -- 1951 (Retrospektiewelike Hugo-toekenning - 1952)
- The Star Beast - 1954
- Tunnel in the Sky - 1955
- Time for the Stars - 1956
- Citizen of the Galaxy - 1957
- The Door into Summer - 1957
- Have Space Suit—Will Travel - 1958
- Methuselah's Children - 1958
- Starship Troopers - 1959 (Hugo-toekenning - 1960)
- Stranger in a Strange Land - 1961 (Hugo-toekenning - 1962)
- Farnham's Freehold - 1965
- The Moon Is a Harsh Mistress - 1966 (Hugo-toekenning - 1967)
- I Will Fear No Evil - 1970
- Time Enough for Love - 1973
- The Number of the Beast - 1980
- Friday - 1982
- Job: A Comedy of Justice - 1984
- The Cat Who Walks Through Walls - 1985
- To Sail Beyond the Sunset - 1987
Eksterne skakels
wysig| Wikimedia Commons bevat media in verband met Robert A. Heinlein. |