Rolanda Marais

Suid-Afrikaanse aktrise

Rolanda Marais (gebore 19 Januarie 1978) is 'n Suid-Afrikaanse aktrise. Marais is veral bekend vir haar rol as Stefanie Malherbe in kykNET se sepie, Binnelanders. Tot en met die ouderdom van twaalf, het sy in Johannesburg gewoon en het toe saam met haar ouers Wellington in die Boland getrek. Na haar skoolloopbaan het sy by die Universiteit van Kaapstad haar Spraak en Drama-graad behaal, asook haar honeursgraad in Afrikaans en Nederlands.

Rolanda Marais
'n Beeld van die betrokke persoonlikheid.
Geboorte 19 Januarie 1978
Nasionaliteit Suid-Afrika
Beroep(e) Aktrise
Internet-rolprentdatabasis-profiel

In haar finale jaar begin sy reeds in professionele produksies verskyn en maak haar debuut in die TV-minireeks, Lied van die Lappop. 'n Hoogtepunt van haar loopbaan is Out On A Limb, waarvan sy die hoofrol vertolk het. Sy het ook in verskeie advertensies verskyn, wat dit vir haar moontlik kon maak om oorsee te reis. Sy het vir sewe jaar vryskut werk gedoen en toe sy die kontrak teken by Stark Studios om in Binnelanders te speel, het sy die stabiliteit geniet.

Marais is ewe gemaklik op die verhoog en het al die voorreg gehad om saam met regisseur Marthinus Basson te werk in verskeie teaterproduksies. Van haar teaterhoogtepunte sluit in Aars!, saam met Antoinette Kellermann en Dawid Minnaar en Romeo en Julia, saam met Jana Cilliers, Antoinette Kellerman en Dawid Minnaar. Sy het ook die hoofrol vertolk van Hedda Gabler, wat by die Klein Karoo Nasionale Kunstefees opgevoer is.

Sy was ook te sien in die televisiereeks Charlie Jade (2005), in twee seisoene van Zero Tolerance op SABC 2 (2004) en sy was ook in die tweede seisoen van die dramareeks op SABC 1, Intersexions (2013). Marais het ook die rol van Analine King vertolk, 'n weduwee met drie kinders in die SABC 3 dramareeks, High Rollers, (2013).

TeaterWysig

  • DOGMA (regie: Christiaan Olwagen)
  • Wie drink wat (regie: Christiaan Olwagen)
  • Hedda Gabler (regie: Andr√© Stoltz)
  • Romeo & Juliet (regie: Fred Abrahamse)
  • Romeo en Julia (regie: Marthinus Basson)
  • Two Gentlemen of Verona (regie: Marthinus Basson)
  • Mama Madea (regie: Marthinus Basson)
  • Rooikoppetjie (regie: Marthinus Basson)
  • Aars! (regie: Marthinus Basson)
  • Moerkind (regie: Charles Fourie)
  • Elke duim 'n koning (regie: Jaco Bouwer)
  • East (regie: Chris Weir)
  • Flat Panic (regie: John Trengove)
  • Waterbreek (regie: Thain Torres)
  • More (regie: Matthew Wilde)
  • Next Exit (regie: Sandra Themming)
  • Variations (regie: Liz Mills)
  • City of Paradise
  • Salome (regie: Sandra Themming)

FilmografieWysig

  • Griekwastad (rolprent) (2020)
  • Poppie Nongena (rolprent (2020)
  • Trackers (Televisiereeks) (2019)
  • Die Testament (Televisiereeks) (2019)
  • Die Spreeus (Televisiereeks) (2019)
  • The Seagull (rolprent) (2018)
  • Waterfront (televisiereeks) (2017)
  • Johnny is nie dood nie (rolprent) (2016)
  • Free State (rolprent) (2016)
  • High Rollers (televisiereeks) (2013) (2015)
  • Bloedbroers (televisiereeks) (2015)
  • Terug na Egipte (televisiereeks) (2015)
  • Ballade vir 'n Enkeling (rolprent) (2015)
  • Vlug na Egpite (televisiereeks) (2015)
  • Onder die tafel (kortfilm) (2013)
  • Donkerland (televisiereeks) (2013)
  • Die Ballade van Robbie de Wee (rolprent) (2013)
  • Wolwedans in die Skemer (rolprent) (2012)
  • Binnelanders (televisiereeks) (2009)
  • Out on a Limb (rolprent) (2005)
  • Charlie Jade (televisiereeks) (2005)
  • Dead Easy (rolprent) (2004)
  • Zero Tolerance (televisiereeks) (2004)
  • Global Effect (rolprent) (2002)
  • Borderline (televisiefilm) (2002)

Persoonlike leweWysig

Rolanda Marais is getroud aan filmregisseur en Jozua Malherbe in Februarie 2016, die egpaar het 'n dogter, Charlotte.

ToekenningsWysig

  • Silwerskerm Film-nominasie: Beste Aktrise vir Johnny is nie dood nie
  • ATKV-nominasie: Beste Aktrise in 'n televisiereeks vir Terug na Egipte
  • Fleur de Cap-nominasie: Beste Aktrisie in teater vir Die Seemeeu
  • Fiesta-toekenning: Beste Aktrise in teater vir Die Seeumeeu en DOGMA
  • Kanna-toekenning: Beste Aktrise in teater vir DOGMA
  • Vita-toekenning: Beste Nuweling vir Elke duim 'n Koning
  • ATKV-toekenning: Beste Aktrise in 'n sepiereeks vir Binnelanders
  • Kanna-nominasie: Beste Aktrise in teater vir DOGMA

BronnelysWysig