Rooilipslang
Die Rooilipslang (Crotaphopeltis hotamboeia) is 'n slang wat in Afrika suid van die Sahara voorkom. Die slang is nie giftig nie. Die Engelse naam is "Herald snake", terwyl dit in Ndebele as "Phimpi" bekend staan.[1]
| Rooilipslang | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Suborde: | |
| Infraorde: | |
| Familie: | |
| Genus: | |
| Spesie: | C. hotamboeia
|
| Binomiale naam | |
| Crotaphopeltis hotamboeia (Laurenti, 1768)
| |
Die slang het 'n helder oranje of rooi merk op die boonste lip. Die kop is donkerder as die liggaam en die slang se maag is wit. Hulle is kleinerig met 'n gemiddelde lengte van 45 cm en het 'n breë kop.
Dit is 'n stadig-bewegende slang wat aggressie toon as dit versteur word. Die voorkant van die liggaam word opgelig, die kop platgetrek en die liggaam word opgeblaas terwyl hulle sis en na die gevaar pik. Hulle byt maklik, maar is nie vir die mens giftig nie.
Die slang is ovipaar (eierlêend). Ses tot sestien eiers word op 'n slag gelê. Die eiers broei na 60 dae uit. Die kleintjies is 130-180 mm lank.
Rooilipslange vreet meestal paddas. Hulle het groot lem-agtige slagtande wat vir die doel aangepas is.
Sien ook wysig
Verwysings wysig
- ↑ Red-lipped Herald Snake op ultimatefieldguide.com, besoek op 16 April 2015
Eksterne skakels wysig
Wikispecies het meer inligting verwant aan Rooilipslang
