Rooistamspinnekopbos
Spesie van die spinnekopbosse
Die Rooistamspinnekopbos (Serruria rubricaulis) is 'n blomdraende struik wat tot die genus Serruria behoort en deel van die fynbos vorm. Die spesie is endemies aan die Wes-Kaap en kom van die Kleinrivierberge tot die Elim-vlakte en seewaarts voor. Die struik is klein, regop en word slegs 30 cm lank en blom van Julie tot November.
| Rooistamspinnekopbos | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Serruria |
| Spesie: | S. rubricaulis
|
| Binomiale naam | |
| Serruria rubricaulis R.Br., (1810)
| |
| Sinonieme | |
| |
Die plant spruit weer uit na 'n brand. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van insekte. Die plant groei in klei- en suurgrond op hoogtes van 20 - 100 m.
In Engels staan dit as die Red-stem Spiderhead bekend.