Ruitens (speelkaarte)

Ruitens, ruite of diamante is een van die vier kleure, of stelle, speelkaarte in 'n Franse pak. Dit is die enigste Franse stel wat nie van Duitse kaarte afgelei is nie; dit neem die plek in van die Duitse klokke .

Die ruitenssimbool.

Die ruitenskaarte van 'n Franse pak kaarte.

In ouer Duitse meldings van kaartspeletjies word ruitens dikwels Eckstein ("hoeksteen") genoem. In Switserland is dit steeds as Egge (=Ecke, dus "hoek") bekend. Die Duitse term "Karo" het in die 18de eeu in die taal beland van die Franse carreau, wat weer afgelei is van die Latynse woord, quadrum ("vierkant" of "reghoek").

Eienskappe

Die diamante het gewoonlik 'n ruitvorm en vier ewe lang sye, en staan op sy een punt. Die kante is soms effens gerond en dit lyk baie soos 'n astroïed.

Ruitens is gewoonlik rooi. In 'n vierkleurpak kan hulle egter ook blou, geel of oranje wees, soos hulle Duitse ekwivalente, wat eintlik goudkleurig is.

Hier onder is die ruitens van 'n Franse standaardpak van 52 kaarte (die ruitensridder wat in tarotkaartspeletjies gebruik word, word nie vertoon nie):

• 
  Aas
• 
  2
• 
  3
• 
  4
• 
  5
• 
  6
• 
  7
• 
  8
• 
  9
• 
  10
• 
  Boer
• 
  Vrou
• 
  Heer

Vierkleurpakke

Die vier ase in 'n vierkleurpak. Ruitens is hier blou.

Vierkleurpakke word soms in toernooie of aanlyn gebruik. In sulke pakke is ruitens:

• oranje in Engelse en Duitse pakke
• geel     in Amerikaanse en Duitse skattoernooipakke of
• blou     in Engelse en Amerikaanse pokerpakke en Franse en Switserse vierkleurpakke.

Unicode

In Unicode is daar 'n swart ruit ♦ en 'n wit ruit ♢.

Bykomende bron

• Allan, Elkan; Mackay, Hannah (2007). The poker encyclopedia : the definitive poker book. London: Portico. ISBN 978-1-906032-09-8. OCLC 156891597.

Skakels

• Wikimedia Commons het meer media in die kategorie Ruitens (speelkaarte).

• Hierdie artikel is in sy geheel of gedeeltelik uit die Engelse Wikipedia vertaal.