Russiese oorlog teen Oekraïne

Hierdie artikel gaan oor die oorlog wat sedert 2014 voortduur. Vir die eskalasie sedert 2022, sien Russiese inval in Oekraïne sedert 2022.

Die Russies-Oekraïense Oorlog, in sy vroeë fases bekend as die Oekraïense krisis, is 'n voortdurende internasionale konflik tussen Rusland, saam met Russies gesteunde separatiste, en Oekraïne, wat in Februarie 2014 begin het. Na aanleiding van Oekraïne se Rewolusie van Waardigheid, het Rusland die Krim van Oekraïne geannekseer en pro-Russiese separatiste gesteun wat teen die Oekraïense militêre magte in die Donbas-oorlog geveg het. Die eerste agt jaar van die konflik het ook vlootvoorvalle, kuberoorlogvoering en verskerpte politieke spanning ingesluit. In Februarie 2022 het Rusland 'n volwaardige inval in Oekraïne geloods.