Rust-en-Vrede-waterval

Die Rust-en-Vrede-waterval is een van die minderbekende dog skilderagtige besienswaardighede van die Klein Karoo.

Ligging

Hierdie afgeleë waterval kan bereik word vanaf die Oudemuragiepad, ‘n verbindingspad tussen die R328-streekroete, wat via Schoemanspoort na die Kangogrotte en die Swartbergpas lei, en die N12-nasionale pad tussen Oudtshoorn en De Rust. Die waterval lê in die Groot Swartberge, net oos van die Melvilledam en die Koos Raubenheimerdam. Dit is ongeveer 30 km van Oudtshoorn by koördinate 33°24′0″S 22°20′30″O

Waterval

Vanaf die parkeer- en piekniekplek is dit ‘n staptog van nagenoeg 3 km langs ‘n nou paadjie en oor bruggies na die val en sy poel in die Grootrivier. Die katarak is 80 m lank en die poel is ‘n goeie swemplek. Dit maak deel uit van die watervoorsieningstelsel van Oudtshoorn.

Bibliografie

• https://www.oudtshoorninfo.com/project/rust-en-vrede-waterfall/