Rustelosebenesindroom
Rustelosebenesindroom (RBS) is gewoonlik ’n langtermynsteuring wat meebring dat iemand ’n sterk drang kry om sy bene te beweeg.[1][2] Daar is dikwels ’n onaagename gevoel in die bene wat effens verbeter as ’n mens hulle beweeg.[1] Dié gevoel word onder meer beskryf as ’n pyn, tinteling of krieweling.[1] Soms word die arms ook geraak.[1]
| Rustelosebenesindroom | ||
| Klassifikasie en eksterne bronne | ||
| ||
| Slaappatrone in ’n mens met rustelosebenesindroom (rooi) teenoor dié van iemand daarsonder (blou). | ||
| ICD-10 | G25.8 | |
| ICD-9 | 333.94 | |
| OMIM | 102300 | |
| DiseasesDB | 29476 | |
| MedlinePlus | 000807 | |
| eMedicine | neuro/509 | |
| MeSH | D012148 | |
 Mediese waarskuwing
| ||
Die gevoel kom gewoonlik voor wanneer ’n mens rus en daarom kan dit slaap bemoeilik.[1] Weens die versteuring tydens slaap kan mense met RBS deur die dag moeg, geïrriteerd of depressief wees.[1] Baie pasiënte se ledemate kan ook gedurende slaap ruk.[3]
Oorsake en behandeling wysig
Risikofaktore vir RBS sluit in lae ystervlakke, nierversaking, Parkinson se siekte, diabetes, gewrigsrumatiek, swangerskap en seliaksiekte.[1][4][5] ’n Paar medisynes kan as sneller dien, soos antidepressante, antihistamiene, antipsigotiese middels en kalsiumantangoniste.[6]
Daar is twee hoofsoorte RBS.[1] Een is ’n vorm wat vroeg begin, voor die ouderdom van 45, kom in families voor en word algaande erger.[1] Die ander een begin laat in die lewe, ná 45, begin skielik en word nie erger nie.[1]
Diagnose geskied gewoonlik na aanleiding van ’n pasiënt se simptome nadat alle ander moontlike oorsake uitgeskakel is.[7]
Rustelosebenesindroom kan verbeter as die onderliggende probleem behandel word.[8] Andersins kan medisyne gebruik of leefstylveranderings aangebring word.[1] Laasgenoemde sluit in die staking van alkohol- en tabakgebruik en slaaphigiëne.[8] Meer vroue as mans kry RBS en die voorkoms neem toe met ouderdom.[9][10]
Verwysings wysig
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 "What Is Restless Legs Syndrome?". NHLBI. 1 November 2010. Geargiveer vanaf die oorspronklike op 21 Augustus 2016. Besoek op 19 Augustus 2016.
- ↑ "Restless Legs Syndrome Information Page | National Institute of Neurological Disorders and Stroke". Ninds.nih.gov. Besoek op 7 Julie 2019.
- ↑ "What Are the Signs and Symptoms of Restless Legs Syndrome?". NHLBI. 1 November 2010. Geargiveer vanaf die oorspronklike op 27 Augustus 2016. Besoek op 19 Augustus 2016.
- ↑ Ramar, K; Olson, EJ (15 Augustus 2013). "Management of common sleep disorders". American Family Physician. 88 (4): 231–8. PMID 23944726.
- ↑ Zis P, Hadjivassiliou M (2019). "Treatment of Neurological Manifestations of Gluten Sensitivity and Coeliac Disease". Curr Treat Options Neurol (Review). 21 (3): 10. doi:10.1007/s11940-019-0552-7. PMID 30806821.
- ↑ "What Causes Restless Legs Syndrome?". NHLBI. 1 November 2010. Geargiveer vanaf die oorspronklike op 20 Augustus 2016. Besoek op 19 Augustus 2016.
- ↑ "How Is Restless Legs Syndrome Diagnosed?". NHLBI. 1 November 2010. Geargiveer vanaf die oorspronklike op 27 Augustus 2016. Besoek op 19 Augustus 2016.
- ↑ 8,0 8,1 "How Is Restless Legs Syndrome Treated?". NHLBI. 1 November 2010. Geargiveer vanaf die oorspronklike op 27 Augustus 2016. Besoek op 19 Augustus 2016.
- ↑ "Who Is at Risk for Restless Legs Syndrome?". NHLBI. 1 November 2010. Geargiveer vanaf die oorspronklike op 26 Augustus 2016. Besoek op 19 Augustus 2016.
- ↑ "Restless Legs Syndrome Fact Sheet | National Institute of Neurological Disorders and Stroke". Ninds.nih.gov. Besoek op 7 Julie 2019.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
