Rwenzoriberge
Die Rwenzoriberge (Engels: Rwenzori Mountains; Frans: Rwenzori; Swahili: Safu ya Ruwenzori), voorheen bekend as die Ruwenzorireeks (die spelling is in 1980 verander om aan te pas by die plaaslike naam Rwenjura), is 'n bergreeks in Oos-Afrika, feitlik op die ewenaar, op die grens tussen Uganda en die Demokratiese Republiek die Kongo. Daar kom gletsers op die berge voor; die water uit die gletsers is een van die Nylrivier se bronne. Die bergreeks se hoogste punt is 5 109 meter. Die hoogste pieke is permanent met sneeu bedek. Die Rwenzoriberg Nasionale Park en Virunga Nasionale Park is in die bergreeks geleë; eersgenoemde is in 1994 deur Unesco as 'n wêrelderfenisgebied gelys en laasgenoemde in 1979.
| Rwenzoriberge Nasionale Park* | |
|---|---|
| Unesco-wêrelderfenisterrein | |
| |
| Margheritapiek op Berg Stanley is die hoogste punt van die bergreeks | |
  Rwenzoriberge |
|
| Koördinate: 0°23′09″N 29°52′18″O / 0.38583°N 29.87167°O | |
| Lande |  Uganda
|
| Tipe | Natuur |
| Kriteria | vii, x |
| Verwysings | 684 |
| Streek† | Afrika |
| Inskripsiegeskiedenis | |
| Inskripsie | 1994 (18de Sessie) |
| Bedreigd | 1999–2004 |
| * Naam soos dit in die Wêrelderfenislys verskyn. † Streek soos deur Unesco geklassifiseer. | |
Die bergreeks is ongeveer 120 km lank en 65 km wyd. Dit bestaan uit ses bergpieke met diep ravyne tussen hulle: Berg Stanley (5 109 m), Berg Speke (4 890 m), Berg Baker (Uganda, 4 843 m), Berg Emin (4 798 m), Berg Gessi (4 715 m) en Berg Luigi di Savoia (4 627 m).[1]
Net noord van die bergreeks is die Albertmeer, terwyl die Edwardmeer 20 km suid is.
Sien ook
wysigVerwysings
wysig- ↑ (en) "Rwenzori Mountains National Park". Rwenzori Abruzzi. 27 Mei 2006. Geargiveer vanaf die oorspronklike op 2 Februarie 2009. Besoek op 6 Mei 2008.
Eksterne skakels
wysig
Wikimedia Commons het meer media in die kategorie Rwenzoriberge.- (en) "Ruwenzori Range". Encyclopædia Britannica. Besoek op 12 April 2021.
| Hierdie artikel is in sy geheel of gedeeltelik vanuit die Engelse Wikipedia vertaal. |
