Sabiha Gökçen Internasionale Lughawe
Sabiha Gökçen Internasionale Lughawe (IATA-kode: SAW, ICAO: LTFJ) is een van die twee internasionale lughawens wat Istanboel, Turkye bedien. Die fasiliteit is vernoem na Sabiha Gökçen, die eerste vroulike vegvlieënier van Turkye. Dit is geleë 35 km (22 myl) suidoos[1] van sentrale Istanboel, aan die Asiatiese kant van die twee-kontinentale stad. Dit is gebou omdat Atatürk Internasionale Lughawe (aan die Europese kant) nie groot genoeg was om aan die groeiende passasierseise (beide plaaslik en internasionaal) te voldoen nie. Sabiha Gökçen-lughawe se internasionale terminaalkapasiteit was 3 miljoen passasiers per jaar en die binnelandse terminaalkapasiteit was 'n halfmiljoen passasiers per jaar. In Junie 2007 het die Turkse konglomeraat Limak Holding, Indië se GMR Group en Malaysia Airport Holding Berhad (MAHB) konsortium die kontrak ontvang vir die opgradering en instandhouding van die lughawe. Teen die middel-2008 het werk begin aan die opgradering van die internasionale terminaal om 25 miljoen passasiers per jaar te kan hanteer.
| Istanbul Sabiha Gökçen Internasionale Lughawe Sabiha Gökçen Uluslararası Havalimanı | |||
|---|---|---|---|
| |||
| IATA: SAW – ICAO: LTFJ | |||
| Opsomming | |||
| Tipe lughawe | Openbaar | ||
| Eienaar | HEAŞ (Airport Management & Aeronautical Industries Inc) | ||
| Operateur | Limak-GMR-MAHB | ||
| Bedien | Istanboel | ||
| Ligging | Pendik, Istanboel, Turkye | ||
| Spil vir | * Pegasus Airlines
| ||
| Hoogte bo seevlak | 312 vt / 95 m | ||
| Koördinate | 40°53′54″N 29°18′33″E / 40.89833°N 29.30917°O | ||
| Webtuiste | |||
| Landkaart | |||
  SAW | |||
| Aanloopbane | |||
| Rigting | Lengte | Oppervlak | |
| m | vt | ||
| 06/24 | 3 000 | 9 842 | Beton |
| Statistieke (2022) | |||
| Passasiers | 30 769 728  24%
| ||
| Lugbewegings | 200 034 10%
| ||
| Bron: Turkse Lugvaartinligtingspublikasie by EUROCONTROL[1] | |||
Die nuwe terminaal is op 31 Oktober 2009 ingewy. Sabiha Gökçenlughawe het 11.13 miljoen passasiers gehanteer in 2010, 'n 71% toename in vergelyking met 2009.[2] Die lughawe is van plan om 25 miljoen passasiers teen 2023 te kan hanteer.[3][4] In September 2010 is die lughawe bekroon as die wêreld se beste lughawe by die Wêreldkongres van Laekostelugrederye (World Low Cost Airlines Congress) in Londen.
Verwysings
wysig- ↑ 1,0 1,1 EAD Basic. Besoek op 1 Augustus 2011
- ↑ 2010 lughawestatistiek Geargiveer 4 Maart 2016 op Wayback Machine. Besoek op 1 Augustus 2011
- ↑ İstanbul's 2nd airport to reach 25 million passengers by 2023. Nasdaq.com (2011-05-24). Besoek op 1 Augustus 2011
- ↑ Sabiha Gökçen'de rekor yolcu sayısı. Hurriyet.com.tr. Besoek op 1 Augustus 2011
| Hierdie artikel is in sy geheel of gedeeltelik vanuit die Engelse Wikipedia vertaal. |
