Sand du Plessis-teaterkompleks
Die Sand du Plessis-teaterkompleks is geleë in Markgraaffstraat, Bloemfontein. Dit is ’n groot, veeldoelige teatersentrum wat op 1 Augustus 1985 geopen is[1] as die tuiste van die Streeksraad vir die Uitvoerende Kunste van die Oranje-Vrystaat (Sukovs). Dit beslaan ’n hele straatblok en bestaan uit twee formele ruimtes. Dit is genoem na Sand du Plessis, eertydse administrateur van die Vrystaat.[2] Die hoofingenieur van die projek was Henk Boting.
| Stad of dorp | Bloemfontein | |
| Land | Suid-Afrika | |
| Sitplekke | Sowat 1 260 | |
| Geopen | 1 Augustus 1985 | |
Die hoofteater het 964 sitplekke en kan aangepas word vir groot aanbiedings van drama, musiekspele, popkonserte, opera, ens. Dit is geopen met Verdi se Nabucco en Shakespeare se The Merchant of Venice.
André Huguenet-teater
wysig’n Tweede ruimte in die teater is genoem na die Suid-Afrikaanse akteur André Huguenet, wat in Bloemfontein gebore is. Dit is ’n kleiner, eksperimentele teater met 300 sitplekke en kan ook dien as ’n TV-ateljee. Dit is in 1985 geopen met twee Afrikaanse produksies, Bloedbruilof deur Lorca op 28 Augustus en Don Juan onder die Boere deur Bartho Smit op 4 September.
Skaatsplankry
wysigDie teatergebou is ook bekend as die skaatsplankpark van Bloemfontein. Skaatsplankryers kom elke Saterdag hier byeen om saam hul sport te beoefen.
Verwysings
wysig- ↑ The Encyclopaedia of South African Theatre, Film, Media and Performance URL besoek op 22 Februarie 2013
- ↑ Ag sies!, Ons Stad, 16 Junie 2010[dooie skakel] URL besoek op 23 Februarie 2013
Eksterne skakels
wysig- Sand du Plessis op die Sukovs-webtuiste Geargiveer 26 Oktober 2011 op Wayback Machine
- Ungerer, Carien: Die Sand du Plessis-teater - sieraad van die Vrystaat. In: Lantern. Tydskrif vir Kennis en Kultuur. Jaargang 35, nr. 1, Januarie 1986