Sandveld-natuurreservaat

Sandveld-natuurreservaat is 'n beskermde gebied in die Vrystaat, Suid-Afrika.

Sandveld-natuurreservaat
Uitsig oor die reservaat en Bloemhofdam
Land	Suid-Afrika
Provinsie	Vrystaat
Naaste dorp	Bloemhof
Sandveld-natuurreservaat
Koördinate: 27°44′S 25°38′O
Oppervlak	37 000 ha
Bestuursliggaam	Vrystaat Toerisme- en Parkeraad

Ligging

Dit is aan die Vrystaatse kant van die Bloemhofdam geleë. Die Bloemhofdam lê waar die Vaalrivier en die Vetrivier mekaar ontmoet op die grens tussen die Vrystaat en Noordwes.

Die volle gebied rondom die dam is tot natuurreservaat verklaar. Aangesien dit op die grens tussen twee provinsies is, is twee afsonderlike reservate gestig. Aan die Vrystaatse kant is die Sandveld-natuurreservaat, terwyl die beskermde gebied aan die Noordweskant die Bloemhofdam-natuurreservaat heet.

Flora en fauna

Die Sandveld-natuurreservaat is ongeveer 37 000 ha groot. Dit is so genoem weens sy sanderige sandveld gebied, hoewel deel van sy oppervlak bestaan uit doringveld-savanne met kameeldoringbome.

Onder die groot soogdiere wat in die reservaat voorkom, is die witrenoster, kameelperde, swartwitpense, bastergemsbokke, buffels, blouwildebeeste en sebras.