Wikipedia

Seksposisie

Posisies wat mense inneem tydens of vir die doel van seksuele omgang

Seksposisies is posisies wat mense inneem tydens of vir die doel van seksuele omgang of ander seksuele aktiwiteite. Dit word gewoonlik genoem na die posisie wat die deelnemers inneem vir die seksdaad. Hoewel seks gewoonlik die penetrasie van een persoon se liggaam deur ’n ander persoon behels, of die direkte stimulasie van die een se geslagsorgaan deur die ander, is dit nie altyd die geval nie.

Seks op ’n Griekse vaas, omstreeks 470 v.C.

Drie kategorieë seksuele omgang word gewoonlik beoefen: vaginale omgang, wat penetrasie van die vagina behels; anale penetrasie; en orale seks, wat die stimulasie van die een persoon se geslagsorgaan deur die ander persoon se mond behels. Meer as een van dié dade kan tydens seks uitgevoer word.[1] Seksdade kan ook ander soorte genitale stimulasie behels, soos solo- of wedersydse masturbasie, wat die vryf van ’n geslagsorgaan of penetrasie met ’n vinger of seksspeelding, soos ’n dildo of vibrator, behels. Daar is verskeie seksposisies wat in enige van die seksdade ingeneem kan word.

Geskiedenis

Die vroegste Europese Middeleeuse geskrif oor seksposisies is die Speculum al foderi (letterlik " ’n Spieël vir Omgang ", soms genoem " ’n Spieël vir Koïtus"), ’n 15de-eeuse Katalaanse geskrif wat in die 1970's ontdek is.[2][3]

Posisies met uitsluitlik penetrasie

Hierdie posisies behels die plasing van ’n falliese voorwerp (’n penis, dildo, prop of ander voorwerp) in die vagina, mond of anus.

 
Die "sendelingposisie" is die mees algemene posisie.
 
Seks van agter af, ook die "hondjieposisie" genoem.

Aktiewe maat bo met penetrasie van voor

  • Die mees algemene posisie is die "sendelingsposisie". Die seksmaats kyk na mekaar toe en die passiewe maat lê op hul rug met hul bene uitmekaar. Die aktiewe maat lê bo-op. Hierdie posisie kan gebruik word vir vaginale of anale seks.
  • Die aktiewe maat staan voor die aktiewe maat, wie se bene oor die kant van ’n bed of ander soort platform soos ’n tafel hang.[4] Die passiewe maat se bene is na die plafon gelig en rus teen die aktiewe maat; dit word soms die "skoenlapperposisie" genoem. Dit kan ook in ’n knielposisie gedien word.
  • Die passiewe maat lê op hul rug. Die aktiewe maat staan en lig die maat se pelvis vir penetrasie. Die passiewe maat kan ook hul bene teen die aktiewe maat se skouers laat rus.
  • Die passiewe maat lê op hul rug, met die bene opgelig en die knieë naby die kop. Die aktiewe maat hou die bene vas en penetreer hulle van bo af.
  • Soortgelyk as hierbo, maar die passiewe maat se bene hoef nie reguit te wees nie. Die aktiewe maat vou hul arms om die passiewe maat en druk hul bene so naby as moontlik aan dié se bors.[5]
  • Die "koïtale oplyningstegniek" is ’n posisie waar ’n man ’n vrou penetreer. Die man beweeg teen die vrou se lyf op totdat die penis afwaarts wys en teen die vrou se klitoris vryf.
  • Die passiewe maat lê op hul rug met hul bene óf gekruis agter hul kop óf naby hul ore. Die aktiewe maat hou die passiewe maat se bene naby die enkels vas en lê vollengte bo-op hulle. ’n Variasie is dat die passiewe maat hul enkels op hul maag kruis, met die knieë by die skouers. Die aktiewe maat lê dan met hul volle gewig op die ander een se gekruisde enkels. Dit word die "Weense oester" genoem in The Joy of Sex, ’n geïllustreerde sekshandleiding uit 1972 deur die Britse dokter en skrywer Alex Comfort.[6]

Penetrasie van agter

 
’n Uitbeelding van die "lepelposisie" uit die 1ste eeu n.C.

Die meeste van dié posisies is geskik vir beide vaginale en anale penetrasie. Variasies van die "hondjiestyl" sluit in:

  • Die passiewe maat staan op hul knieë, met hul liggaam horisontaal. Die aktiewe maat plaas óf hul penis óf ’n seksspeelding van agter af in die maat se vagina of anus.[7]
  • Die aktiewe maat plaas hul voete weerskante van die passiewe maat met die knieë gebuig. Hulle moet gewoonlik hul hande op die maat se rug hou om te keer dat hulle vooroor val.
  • Die passiewe maat kniel regop terwyl die aktiewe maat hul arms by die gewrig vashou en sagkens terugtrek na hulle toe.

Vir die "lepelposisie" lê albei seksmaats op hul sy en kyk in dieselfde rigting.[8] Variasies sluit die volgende in:

  • Die passiewe maat lê op hul sy, terwyl die aktiewe maat kniel en hulle van agter af penetreer. Die aktiewe maat kan ook staan as die passiewe maat op ’n hoë oppervlak lê.
  • Die passiewe maat lê op hul maag, met die gesig na onder en moontlik die bene uitmekaar. Die aktiewe maat lê bo-op hulle.[9] ’n Kussing onder die passiewe maat se heupe kan stimulasie aanhelp.
  • Die passiewe maat lê op hul maag met hul knieë teenmekaar. Die aktiewe maat lê bo-op met hul bene uitmekaar.
  • Die passiewe maat lê op hul sy met hul boonste been vorentoe. Die maat kniel bo-oor die onderste been.
 
Die vrou bo in die Kama Sutra.

Passiewe maat bo

 
’n Uitbeelding van die "cowgirl-posisie".

Die meeste van dié posisies kan vir beide vaginale en anale penetrasie gebruik word. Wanneer die vrou bo is, word dit dikwels die "cowgirl-posisie" genoem.

  • Die ontvanger kan oor die penetreerder kniel, met hul gesig na mekaar toe.
  • Die ontvanger kan soms in die teenoorgestelde rigting kyk. Dit word soms die "ongekeerde cowgirl-posisie" genoem.
  • Die ontvanger kan agteroorlê met hul hande op die grond.
  • Die ontvanger kan op hul hurke sit pleks van kniel en na hul maat kyk.
  • Die penetreerder lê met die boonste deel van die rug op ’n lae tafel, bank of stoel, met hul voete op die grond en hul rug parallel met die grond. Die ontvanger kan bo-oor staan, ook met hul voete op die grond. Die ontvanger kan enige van verskeie posisies inneem.
  • Die "laterale koïtale posisie" is deur Masters en Johnson aanbeveel en is deur driekwart van die deelnemers aan hul heteroseksuele ondersoek verkies nadat hulle dit beproef het. Die man lê op sy rug en die vrou effens langs hom met haar pelvis bo-op syne, maar haar gewig langs hom.[10] Die posisie kan ook vir anale seks gebruik word en is nie beperk tot heteroseksuele paartjies nie.
 
Seks in ’n sittende posisie.

Sittende en knielende

Die meeste van dié posisies kan vir beide vaginale en anale penetrasie gebruik word.

  • Die penetreerder sit op ’n oppervlak met hul bene uitgestrek. Die ontvanger sit bo-op en vou hul bene om die maat.[5] As die penetreerder hul bene kruis, word dit die "lotusposisie" genoem. In dié posisie kan die seksmaats mekaar liefkoos en so word die kans van plesier en orgasme in albei verhoog.
  • Die penetreerder sit op ’n stoel. Die ontvanger hurk bo-oor met hul voete op die grond. Dit word soms die "skootdans" genoem.
  • Die penetreerder kniel en die ontvanger lê op hul rug met hul enkels weerskante van die penetreerder se skouers.[5]
 
Die een maat staan terwyl hy sy maat vashou.

Staande

Die meeste van dié posisies kan vir beide vaginale en anale penetrasie gebruik word. In die basiese staande posisie staan albei seksmaats en kyk na mekaar. Die volgende variasies is moontlik:

  • As die een maat korter as die ander een is, kan hulle op iets staan sodat hulle hoër is, of hoëhakskoene dra. Dit kan vergemaklik word deurdat die vrou met haar rug teen ’n muur staan.[11] Dié posisie is ook ideaal vir ’n stort.
  • Die aktiewe maat staan, en die passiewe maat vou hul arms om die maat se nek en hul bene om hul middel. So is die vagina of anus naby die maat se penis. Dié posisie word ook vergemaklik met byvoorbeeld ’n muur agter die passiewe maat, nes hierbo.
  • Die passiewe maat kan ook in dieselfde rigting as die aktiewe maat kyk; dit vergemaklik anale seks. Dié posisie kan afgewissel word deur verskillende staanposisies in te neem, soos om vooroor te buig.

Anale seksposisies

 
’n Uitbeelding uit die 19de eeu van anale penetrasie, deur Paul Avril.

Die volgende posisies word vir anale penetrasie gebruik:

  • "Hondjiestyl" vergemaklik maksimum penetrasie, maar hou die gevaar in van druk teen die S-derm. As die passiewe maat manlik is, word die prostaat so makliker gestimuleer. Die aktiewe maat reguleer die ritme. ’n Variasie is die "hasieoor-posisie", waarin die passiewe maat vooroor leun. Hulle kan ook plat lê.
  • In die "sendelingposisie" moet die passiewe maat se bene in die lug wees en die knieë so na as moontlik aan die bors. ’n Vorm van steun soos ’n kussing onder die heupe kan ook seks vergemaklik. Die aktiewe maat maak hulle tuis tussen die passiewe maat se bene. Eersgenoemde reguleer die ritme. Dié posisie word gewoonlik vir beginners aanbeveel, want dit stel hulle in staat om meer te ontspan as in die "hondjieposisie".
  • Die "lepelposisie" stel die passiewe maat in staat om die aanvanklike penetrasie en die ritme, diepte en krag van die seksbewegings te beheer.
  • Die "omgekeerde sendelingposisie" stel ook die passiewe maat in staat om die diepte, ritme en spoed van penetrasie te beheer. Hulle kan ook hul anus self oor die maat se penis laat sak en tyd toelaat vir hul spiere om te ontspan.

Minder algemene posisies

 
Die "tekenhaakposisie".

Hierdie posisies is meer innoverend, en dalk nie so algemeen bekend as dié wat hierbo genoem is nie.

  • Die passiewe maat lê op hul rug met hul knieë opgetrek en uitmekaar. Die aktiewe maat lê op hul sy loodreg tot die maat met hul heupe onder die boog wat die passiewe maat se bene vorm. Dit word soms die "tekenhaakposisie" genoem.
  • Die passiewe maat se bene kan ook na die kant gedraai wees terwyl hulle na hul maat kyk. Die penetreerder se bene is uitmekaar reg agter die passiewe maat se heupe, en sy hande is op die maat se heupe. Dit word soms die "aangepaste tekenhaakposisie" genoem.[12]
  • Die "sewende postuur" uit die 15de-eeuse Arabiese sekshandleiding The Perfumed Garden is ’n ongewone posisie wat nie gewoonlik in ander klassieke sekshandboeke beskryf word nie.[5] Die passiewe maat lê op hul sy. Die penetreerder kyk in hul rigting en lê oor hul onderste been terwyl hulle die boonste been tot in die vou van hul elmboog of oor hul skouer lig. Sommige bronne beskryf dit as "vir akrobate",[13] terwyl ander dit as gemaklik beskryf, veral tydens swangerskap.
  • Die "heiposisie" is ’n moeilike posisie en word soms in pornografieprente gesien. Verskillende bronne beskryf dit verskillend. In ’n heteroseksuele verband lê die vrou op haar rug en lig haar heupe so hoog as moontlik sodat die man, wat staan, sy penis in haar vagina of anus kan plaas. Dit plaas ’n geweldige stremming op die vrou se nek en stywe kussing moet gebruik word om haar nek te steun.
  • Die passiewe maat lê op hul maag op die rand van die bed met hul bene parallel met die grond. Die penetreerder staan agter hul maat en hou albei bene in die lug.
  • Die "fietspomp" is soortgelyk aan die "heiposisie", maar die passiewe maat lê met hul sitvlak in die lug.

Ander

  • Die penetreerder lê op hul rug met hul bene uitmekaar. Die ontvanger lê bo-op die penetreerder, ook op hul rug, en kyk in die dieselfde rigting.
  • Die penetreerder en ontvanger lê albei op hul rug, met hul koppe in teenoorgestelde rigtings. Elk plaas hul een been op die ander se skouer (as steun) en hul ander been effens na die kant.
  • Die passiewe maat lê op hul rug en die aktiewe maat loodreg met dié. Die passiewe maat buig die knie die naaste aan die aktiewe maat se kop – genoeg sodat laasgenoemde se middellyf daaronder kan inpas. Die aktiewe maat se bene is bo-oor die passiewe maat se ander been. Die dryfkrag van die seksbewegings sal eerder van kant tot kant wees as van bo na onder. Dit word soms die "skêrposisie" genoem. Dit vergemaklik die stimulasie van die borste tydens seks, die hou van oogkontak en ’n goeie uitsig op mekaar tydens orgasme.
  • Die aktiewe maat sit op die kant van ’n bed of stoel met hul bene wyd uimekaar en hul voete op die grond. Die passiewe maat lê op hul rug op die vloer en vou hul bene om die penetreerder se bene. Dié hou die passiewe maat se bene vas en beheer die dryfkrag van die seksbewegings.

Die moontlikheid van swangerskap

Swangerskap is ’n moontlike gevolg van enige vorm van seks waar sperma in aanraking met die vagina kom (veral vaginale seks). Dit kan egter ook gebeur ná enige ander vorm van seks waar spermvloeistof aan die vingers in die vaginale area beland. Orale seks op sigself kan nie tot swangerskap lei nie, behalwe wanneer sperma aan die hande in aanraking met die vagina kom. Hoewel sommige seksdade makliker tot swangerskap lei as ander, is geen metode veilig as ’n soort voorbehoedmiddel nie.

Posisies tydens swangerskap

Die doel is om oormatige druk op die maag te verhoed en penetrasie te beperk soos deur die onderskeie seksmaats vereis. Van die volgende posisies is gewild tydens swangerskap.[14]

  • Die vrou bo: Dit verhoed druk op die vrou se maag en laat haar toe om die diepte en spoed van die seksbewegings te beheer.
  • Die vrou op haar rug: Soos die "sendelingposisie", maar met minder druk op die onderlyf. Die vrou lê op haar rug en lig haar knieë op tot naby haar bors. Haar maat kniel tussen haar bene en penetreer haar van voor af. ’n Kussing word onder haar sitvlak gesit vir groter gemak.
  • Sydelings: Dit hou ook die druk weg van haar onderlyf.
  • Lepelposisie: Dit is baie gewild tydens die laaste stadiums van die swangerskap. Dit laat vlak penetrasie toe en neem die druk van die maag af weg.
  • Sit: Sy sit op haar sittende maat, en verminder so die druk op haar maag.
  • "Hondjiestyl": So kan sy haar maag en borste steun.

Posisies sonder noodwendige penetrasie

Orale seksposisies

Orale seks is die stimulasie van ’n geslagsorgaan met die mond. Dit kan penetrasie behels of nie, en kan gebeur voor, saam met of ná seksuele omgang. Dit kan óf fellatio óf cunnilingus wees, of in ’n "69-posisie" waar die seksmaats mekaar gelyktydig stimuleer. ’n Verskeidenheid variasies is moontlik.[15]

 
’n Chinese uitbeelding uit die 19de eeu van fellatio.
 
’n Chinese uitbeelding uit die 19de eeu van cunnilingus, deur Paul Avril.

Fellatio

Fellatio of fellasie is orale seks waartydens die man se penis gestimuleer word. Moontlikhede sluit in:

  • Sittende
    • Die man lê op sy rug terwyl sy maat tussen sy bene kniel.
    • Die man lê op sy rug terwyl sy maat langs sy bene lê.
    • Die man sit op ’n stoel en sy maat kniel tussen sy bene.
  • Staande
    • Die man staan terwyl sy maat óf voor hom kniel óf op ’n stoel, bed ens. sit en vooroor buig.
    • Die man staan terwyl sy maat ook staan en ver vooroor buig.
    • Die man staan naby ’n bed. Die aktiewe maat lê op hul rug met hul koppe wat agteroor oor die rand van die bed hang. Die man druk sy penis in sy maat se mond en kan so sy penis redelik diep insteek (deep throat).
  • Lêende
    • Die aktiewe maat lê op hul rug en die man neem die "sendelingposisie" in, maar hoër op met sy penis in die maat se mond.
    • Die aktiewe maat (in dié geval ’n vrou) lê op haar rug en die man steek sy penis tussen haar borste deur tot in haar mond.

Cunnilingus

 
’n Uitbeelding van die "69-posisie" uit die Kama Sutra.

Cunnilingus behels die stimulasie van die vrou se geslagsdele. Posisies sluit in:

  • Die vrou lê op haar rug soos in die "sendelingposisie" en haar maat lê met sy kop tussen haar bene.
  • Die aktiewe maat sit. Die vrou staan en kyk weg van die maat, met haar heupe gebuig.
  • Die aktiewe maat sit. Die vrou staan of hurk terwyl sy na die maat se kant toe kyk.
  • Die aktiewe maat lê op hul rug terwyl die vrou oor hul gesig kniel met haar vagina by hul gesig.
  • Die vrou staan, moontlik met haar rug teen ’n muur, en haar maat kniel voor haar.
  • Die vrou sit op ’n bed met haar bene uitmekaar en haar maat kniel voor haar.
  • Die vrou leun agteroor op haar hande en haar maat staan of kniel voor haar.

69-posisie

Gelyktydige stimulasie van die seksmaats se geslagsorgane is moontlik met die "69-posisie". Seksmaats kan manlik of vroulik wees. Hulle kan langs mekaar of bo-op mekaar lê, of staan terwyl die een die ander onderstebo vashou.

Anilingus

 
’n Vrou wat anilingus op ’n ander een uitvoer.

Posisies vir anilingus, ook bekend as "anale-orale seks" of (en) rimming, is gewoonlik variasies op die genitaal-orale posisies. Dit kan een van die volgende posisies behels:

  • Die passiewe maat staan handeviervoet en die maat kniel agter hulle.
  • Die passiewe maat kan op hul rug lê met hul bene opgetrek.
  • Die passiewe maat in die "69-posisie".[16][17] Wedersydse anilingus is ook so moontlik.
  • Die "tromboonposisie", waarin die man staan terwyl sy maat (gewoonlik) agter hom kniel en anilingus uitvoer terwyl hulle ook die man masturbeer; dit lyk dus amper soos iemand wat die tromboon bespeel.[18]

Ander posisies

  • "Vingerseks": Die vinger word gebruik om die vagina of anus te penetreer.
  • "Skokker": Een hand word gebruik om die vagina en anus gelyktydig te penetreer. Die wys- en middelvinger word in die vagina gesteek en die pinkie in die anus. Verskeie variasies is moontlik deur verskeie vingers in elke opening te steek. Dié metode word prominent genoem in Story of O, die erotiese roman uit 1954 deur Pauline Réage. Kort na O se aankoms by die Chateau gryp ’n man haar op dié manier. O is geskok, maar leer om dit en ander, erger dinge te aanvaar.
  • "Vroulike skokker": Die penetrasie van die man se anus deur sy maat se duim terwyl die skrotum terselfdertyd met die ander vingers gevryf word. Dit word gedoen deur die hand te hou soos wanneer ’n mens die bol van ’n wynglas vashou.
  • "Vuisseks": Penetrasie van die vagina of anus met die hele hand. Dit verg meestal baie smeermiddel en die ontspanning van die spiere. ’n Vuis word gewoonlik nie regtig gebruik nie; die duim word tussen die middel- en ringvinger gehou.

Posisies sonder penetrasie

As deel van die seksdaad kan seksmaats mekaar se geslagsdele stimuleer, of dit kan op sigself tot ’n orgasme lei.

  • "Frottage": die skuur van een seksmaat se geslagsdele teen die ander maat se lyf. Dit word soms as voorspel gebruik en kan tot ’n orgasme lei of nie.
  • "Wedersydse masturbasie": Die gelyktydige stimulering van die seksmaats se geslagsdele met die hand of ander deel van die liggaam. Die een of ander vorm van penetrasie kan ook plaasvind. Dit lei soms tot ’n orgasme, maar nie noodwendig nie. Dit is ook algemeen by seksmaats van dieselfde geslag.
  • "Dry humping": Frottage terwyl die seksmaats klere aan het.
  • "Voetseks": Die gebruik van ’n maat se voet om ’n man se penis te stimuleer.
  • "Borsseks": Die gebruik van die vrou se borste om die man se penis te stimuleer. Dit word in Engels ook ’n titjob, tit-wank of ’n verskeidenheid ander name genoem.
  • "Okselseks": Wanneer die penis in die armholte van die maat gestimuleer word. Ook bekend as bagpiping.
  • "Orgasmebeheer": Deur die fisieke stimulasie van die maat of hulself aan te pas by die vlakke van emosionele en fisiologiese opwinding. Deur masturbasie kan iemand leer om beheer uit te oefen oor hul orgasme. Tydens seks tussen twee mense kan elk sy eie orgasme beheer. Die seksmaats kan ook leer om mekaar se orgasme te beheer of intensiewer te maak, en kan vooraf besluit wie in beheer daarvan is.
  • "Orgasmiese meditasie": Ook OMing genoem. Dit is wanneer twee seksmaats deur middel van ’n soort meditasie konsentreer op kontak tussen die vinger en die geslagsdele.[19] Die een seksmaat melk die geslagsdele van die ander maat terwyl albei hul aandag op die sensasie fokus, om sodoende ’n konnektiewe resonansie tussen hulle te ontwikkel. Hoewel hulle van enige geslag kan wees, is die eintlike fokus van OMing die vrou se orgasme deur die subtiele en doelbewuste stimulasie van die klitoris.[19] Albei seksmaats deel egter in die sensasie en bevrediging deur ’n soort gedeelde plesier. Ondersteuners daarvan meen dit behels meer as net ’n orgasme; dit bevorder ’n emosionele bewustheid, verbintenis en bevrediging.[20]
  • "Humping": Dit is die vryf van die geslagsdele teen die oppervlak van ’n nie-seksuele voorwerp terwyl die persoon nakend is of klere aanhet. Dit kan ook verwys na seks met penetrasie.

Genitale wrywing

Genitale wrywing kan verwys na die skuur van geslagsdele teen mekaar. Die term GG rubbing word dikwels deur primatoloë gebruik wanneer hulle verwys na dié soort seksuele gedrag onder bonobo-wyfies.[21][22]

  • "Interdy-seks" is wanneer die penis tussen die maat se dye of bobene geplaas word.
  • "Frottage" is wanneer twee mans hul penisse teen mekaar vryf.
  • "Tribbing" is wanneer twee vroue hul vulvas teen mekaar vryf.
  • Met "docking" plaas die een man sy eikel binne-in die ander man se voorhuid.

Groepseks

 
Die uitbeelding van ’n spit roast op ’n Griekse vaas uit omstreeks 510 v.C.
 
’n Dubbele penetrasie.

Verskeie mense van verskillende geslagte kan saam aan groepseks deelneem. Al die deelnemers is nie noodwendig altyd in kontak met al die ander nie, maar sommige posisies is net moontlik met seks tussen drie of meer persone.[23]

Drie mense

’n Threesome is wanneer drie mense saam seks het. Al drie kan op verskeie maniere by die seksdaad betrek word:

  • Een persoon kan orale seks op ’n ander uitvoer terwyl hulle terselfdertyd anale of vaginale seks met die derde persoon het. Dit word soms ’n "spit roast" genoem.[24][25][26] Die twee wat seks het, kan ook saam die derde persoon oraal bevredig.
  • Die "369-posisie" is wanneer twee mense mekaar oraal stimuleer in die "69-posisie" en ’n derde persoon een van die twee penetreer; dikwels die persoon wat bo lê in die "69-posisie".[27]
  • ’n Man het vaginale of anale seks met een persoon terwyl hyself gepenetreer word deur ’n derde persoon, óf met ’n penis óf met ’n aangord-dildo.
  • Drie seksmaats lê of staan parallel met mekaar, met een in die middel. Dit word soms ’n sandwich genoem. Dit kan spesifiek verwys na ’n dubbele penetrasie van ’n vrou (in die vagina en anus).
  • Drie mense kan in ’n driehoekige posisie lê en mekaar oraal bevredig.
  • Die term Lucky Pierre word soms gebruik vir die persoon in die middel, wat anaal gepenetreer word terwyl hy vaginale of anale seks met ’n derde persoon het.

Vier mense

  • Die "469-posisie" is wanneer vier mense seks het; twee het orale seks in die "69-posisie" terwyl albei deur ’n derde en vierde persoon gepenetreer word.[27]

Meer mense

Seksposisies kan aangepas word om enige aantal mense te akkommodeer:

  • ’n Groep mans wat saam masturbeer, word ’n circle jerk genoem.
  • ’n Groep mans wat saam masturbeer en almal op een persoon se gesig ejakuleer, word "bukkake" genoem.[28][29]
  • ’n Groep mans en/of vroue wat elkeen orale seks met die persoon langs hulle het, word soms ’n daisy chain genoem.[30][31]
  • Wanneer een man of vrou die seksuele aandag van baie of al die ander deelnemers kry, word dit ’n gangbang genoem. Dit was oorspronklik ’n term vir verkragting, maar word nou algemeen gebruik vir vrywillige groepseks. Die ander deelnemers staan soms in ’n ry en wag hul beurt af (pulling a train).

Veelvuldige penetrasies

’n Persoon kan tegelykertyd op verskeie maniere gepenetreer word.[30] Die vingers, tone, penis of ’n seksspeelding kan gebruik word om die vagina, anus en/of mond te penetreer.

Verwysings

  1. ↑ "Sexual Intercourse" (in Engels). Discovery Channel. Geargiveer vanaf die oorspronklike op 24 Augustus 2010. Besoek op 12 Januarie 2008.
  2. ↑ Michael R. Solomon, red. (1986). Text and Concordance of Speculum al foderi, Biblioteca Nacional MS. 3356. ISBN 0-942260-60-0
  3. ↑ Michael R. Solomon (1990). The Mirror of coitus : a translation and edition of the fifteenth-century Speculum al foderi. Spaans. ISBN 0-940639-48-3
  4. ↑ Nafzawi, Muhammad ibn Muhammad al, and Jim Colville (vert.). The Perfumed Garden of Sensual Delight. The Kegan Paul Arabia library, vol. 7. Londen: Kegan Paul, 1999.
  5. ↑ 5,0 5,1 5,2 5,3 The Perfumed Garden, Shaykh Nefwazi, vert. deur sir Richard Francis Burton, 1886. volle teks by Internet Sacred Text Archive
  6. ↑ Comfort, Alex, The Joy of Sex: Fully Revised & Completely Updated for the 21st Century. Crown. Hersiene uitg., 2002. ISBN 1-4000-4614-9, 256 pages.
  7. ↑ Rogiere, Jean, The Little Book of Sex. Ulysses Press, 2001. ISBN 1-56975-305-9, 96 pages.
  8. ↑ Westheimer, Ruth K., Sex for Dummies. For Dummies. 2de uitg., 2000. ISBN 0-7645-5302-X, 432 pages.
  9. ↑ Rogiere, Jean, The Little Book of Sex. Ulysses Press. 2001. ISBN 1-56975-305-9.
  10. ↑ Masters, Johnson (Junie 1970). Human Sexual Inadequacy (1ste uitg.). Little Brown and Company. p. 54. ISBN 0-316-54985-1.
  11. ↑ "Kama Sutra – the ancient art of love". Kamasutra-sex.org. Geargiveer vanaf die oorspronklike op 6 September 2008. Besoek op 19 April 2010.
  12. ↑ "Welcome to Sensual Interactive – Your Sensual Resource Network". Sensualinteractive.com. Geargiveer vanaf die oorspronklike op 18 Oktober 2017. Besoek op 19 April 2010.
  13. ↑ Hooper, Anne J. (1998). Anne Hooper's Kama Sutra (1st uitg.). DK Publishing. ISBN 1-56458-649-9.
  14. ↑ "Pregnancy Resource: Comfortable Sex Positions". Pregnancy-info.net. Besoek op 19 April 2010.
  15. ↑ "Oral Sex Positions" (in Engels). Sexinfo101.com. Geargiveer vanaf die oorspronklike op 22 Mei 2016. Besoek op 19 April 2010.
  16. ↑ "argiefkopie". Geargiveer vanaf die oorspronklike op 29 Mei 2014. Besoek op 21 Februarie 2014.
  17. ↑ Morin, J. (1998). Anal pleasure and Health. Oakland, CA: Down there press.
  18. ↑ Tate, Jordan. (9 Januarie 2007) The Contemporary Dictionary of Sexual Euphemisms. St. Martin's Press, ISBN 0-312-36298-6
  19. ↑ 19,0 19,1 Patricia Leigh Brown; Carol Pogash (15 Maart 2009), "The Pleasure Principle", The New York Times, http://www.nytimes.com/2009/03/15/fashion/15commune.html, besoek op 2009-05-05 
  20. ↑ Daphne Gordon (6 Mei 2008), "More to sex than intercourse", The Toronto Star, http://www.thestar.com/article/421601, besoek op 2009-09-21 
  21. ↑ de Waal FB (1995). "Bonobo sex and society". Scientific American. 272 (3): 82–8. doi:10.1038/scientificamerican0395-82. PMID 7871411. Geargiveer vanaf die oorspronklike op 25 Mei 2012. Besoek op 22 Februarie 2014.
  22. ↑ {{#if:16534808|PMID 16534808 (Sjabloon:Catalog lookup link)
    Citation will be completed automatically in a few minutes. Jump the queue or expand by hand
  23. ↑ Wojick, Helen (Oktober 2010). "Differences Between Threesomes, Group Sex and Orgies" (in Engels). The Swinger Blog. Geargiveer vanaf die oorspronklike op 7 Februarie 2012. Besoek op 15 April 2012.
  24. ↑ "Spit Roast Threesome". collaborative (in Engels). Urban Dictionary. 14 Februarie 2003. Geargiveer vanaf die oorspronklike op 24 Desember 2016. Besoek op 14 April 2012.
  25. ↑ Duckworth, Ted (November 1996). "Spit Roast Threesome" (in Engels). Geargiveer vanaf die oorspronklike op 15 Augustus 2001. Besoek op 14 April 2012.
  26. ↑ "Spit Roast Threesome". The Experience Project. 27 Augustus 2010. Geargiveer vanaf die oorspronklike op 10 Desember 2011. Besoek op 14 April 2012.
  27. ↑ 27,0 27,1 "Lifestyle Definitions – 369" (in Engels). Swinger Social Network. Geargiveer vanaf die oorspronklike op 13 September 2013. Besoek op 14 April 2012.
  28. ↑ "Lifestyle Definitions – Bukkake" (in Engels). Swinger Social Network. Geargiveer vanaf die oorspronklike op 27 Januarie 2013. Besoek op 14 April 2012.
  29. ↑ "Bukkake" (in Engels). dictionary.com. Geargiveer vanaf die oorspronklike op 4 Maart 2016. Besoek op 14 April 2012.
  30. ↑ 30,0 30,1 "Daisy Chain" (in Engels). Swinger Social Network. Geargiveer vanaf die oorspronklike op 13 Junie 2013.
  31. ↑ "Daisy Chain". Geargiveer vanaf die oorspronklike op 16 Junie 2013. Besoek op 14 April 2012.

Verdere leesstof

  • Kama Sutra
  • The Perfumed Garden
  • Comfort, Alex; Quilliam, Susan (2008). The Joy of Sex. Londen: Mitchell Beazley. ISBN 1-84533-429-9.
  • Gillian, Max, The Illustrated Guide to Extended Massive Orgasm. Hunter House. 1ste uitg., 2002. ISBN 0-89793-362-1, 235 pages.
  • McMeel, Andrews en Lisa Sussman, Sex Positions. Carlton Publishing Group. 2002. ISBN 1-84222-266-X, 96 bladsye.
Ontsluit van "https://af.wikipedia.org/w/index.php?title=Seksposisie&oldid=2723872"