Seleendioksied

Seleendioksied of seleen(IV)oksied is 'n verbinding van seleen in sy +4 oksidasietoestand met suurstof. Dit is higroskopies en het die chemiese formule SeO₂.

Eienskappe

Algemeen
Naam	Seleendioksied
Struktuurformule van
Chemiese formule	SeO2
Molêre massa	110,97 [g/mol]
CAS-nommer	7446-08-4
Voorkoms	wit of romerig-wit of effens rooierig vlugtige glansende kristalle; geelgroen damp
Reuk	skerp en suur; soos vrot radyse
Reukdrempel	0,2 [μg/L]
Fasegedrag
Selkonstantes	a=832,2pm; c=505,4pm
Ruimtegroep	P42/mbc
Nommer	135
Strukturbericht	C47
Smeltpunt	(onder druk) 340  °C
Kookpunt	315 (sublimeer)  °C
Digtheid	3,954 [g/cm3]
Oplosbaarheid	(reageer) 400 [g/L]
Brekingsindeks	<1,76 @20 °C
ΔfHɵ	-238,5 [kJ/mol] @25 °C
Suur-basis eienskappe
pKa
Veiligheid
Flitspunt	onbrandbaar
LD50	68,1 [mg/kg] (oraal; rot)
Tensy anders vermeld is alle data vir standaardtemperatuur en -druk toestande.
Portaal Chemie

Dit kom in die natuur as die mineraal downeyïet voor.

Kristalstruktuur

Die kettingstruktuur

Seleendioksied kristalliseer in 'n tetragonale struktuur wat die argetipe van die C47-struktuur van die strukturbericht-klassifikasie is.

Die struktuur bestaan uit oneindige kettings langs c, wat uit Se0₃E-tetraëders bestaan, waar E die seleenatoom se alleenpaar verteenwoordig. Die waargenome bindingsafstande teen 286K is:

• Se-O(l) 179,26(4) pm
• Se-O(2) 162,26(9)pm.

Die kortste afstande tussen die kettings, Se---O(2) 275,8(1)pm en 285,7(1)pm dui aansienlike elektrostatiese interaksies tussen die kettings aan.

β-SeO₂ het 'n ortorombiese struktuur met ruimtegroep Pmb2₁ (#26; a=507,3pm; b=447,1pm; c=753,1pm)

Chemiese eienskappe

Seleendioksied is 'n suur oksied wat met wat er selenoësuur oplewer:

$SO_{2}(s)+H_{2}O(l)\rightarrow H_{2}SO_{3}(aq)$

Hierdie suur tas baie metale aan om soute te vorm van seleniete genoem word.

Gebruike

Dit word bygevoeg aan baddens wat in ets gebruik word. Dit word ook gebruik vir die vorming van dekoratiewe kleure op gegalvaniseerde yster en nie-ysterhoudende metale en legerings, en korrosiebeskermende bedekkings in magnesiumlegerings. Dit is 'n reagens in die sintese van geneesmiddelprodukte en word in die vervaardiging van kortisoon en nikotiensuur gebruik.