Buikholte
(Aangestuur vanaf Seloom)
Die buikholte (Latyns: cavum abdominis) is die holte in die liggaam van mense en baie ander soogdiere wat die grootste deel van die ingewande bevat. Dit lê net onder die borsholte. Van bo word dit deur die midderif begrens, van voor en aan die kante deur die buikwandspiere en van agter deur die werwelkolom en rugspiere. Die geheel is met die wandstandige buikvlies beklee.
Die organe van die buikholte is:
- maag;
- lewer met galblaas;
- milt;
- pankreas;
- dunderm;
- dikderm;
- baarmoeder met eierstokke by vroue;
- blaas.
Die niere lê nie in die buikholte nie, maar daaragter.
Hierdie artikel is vertaal uit die Nederlandse Wikipedia
