Kinkelspinnekopbos
Spesie van die spinnekopbosse
(Aangestuur vanaf Serruria decipiens)
Die kinkelspinnekopbos (Serruria decipiens) is 'n blomdraende struik wat tot die genus Serruria behoort en deel van die fynbos vorm. Die plant is endemies aan die Wes-Kaap, waar dit slegs voorkom op die Sandveld, Hopefield, die Kaapse Vlakte, Piketberg en Olifantsrivierberge. Die struik is rond en word 1.0 m hoog en dra blomme van Julie tot Oktober.
| Kinkelspinnekopbos | |
|---|---|
| |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | S. decipiens
|
| Binomiale naam | |
| Serruria decipiens R.Br., (1810)
| |
| Sinonieme | |
| |
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van insekte. Die plant groei in sandgrond op hoogtes van 0-250 m.
In Engels staan dit as die Sandveld Spiderhead bekend.
