Slangspinnekopbos
Spesie van die spinnekopbosse
(Aangestuur vanaf Serruria trilopha)
Die slangspinnekopbos (Serruria trilopha) is 'n blomdraende struik wat tot die genus Serruria behoort en deel van die fynbos vorm. Die plant is endemies aan die Wes-Kaap, waar dit slegs voorkom op die Kaapse Skiereiland en Kaapse Vlakte tot by Malmesbury. Die struik is regop en word slegs 80 cm hoog en dra blomme van Augustus tot Oktober.
| Slangspinnekopbos | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | S. trilopha
|
| Binomiale naam | |
| Serruria trilopha Salisb. ex Knight, (1809)
| |
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van insekte. Die plant groei in sandgrond op hoogtes van 50-310 m.
In Engels staan dit as die Trident Spiderhead bekend.