Serwiese Republiek
Die Serwiese Republiek (Serwies: Република Српска (РС), Republika Srpska (RS)), is een van twee entiteite wat saam die federale staat Bosnië en Herzegowina vorm. Die ander entiteit is die Federasie van Bosnië en Herzegovina. In die daaglikse gebruik bly die naam van dié entiteit in nie-Slawiese lande meestal onvertaald as Republika Srpska, om verwarring met die land wat as Serwië bekendstaan, te vermy.
Hoewel die hoofstad van die Serwiese Republiek amptelik Sarajevo is, tewens die hoofstad van gehele Bosnië en Herzegowina, word die entiteit in die praktyk tot 1998 vanuit Pale en sedertdien vanuit Banja Luka bestuur.
Geskiedenis
wysigOp die vooraand van die Bosniese Oorlog word die Serwiese Republiek Bosnië Herzegowina op 9 Januarie 1992 uitgeroep. Die konstitusie van dié republiek verklaar dat die grondgebied bestaan uit die Serwiese gebiede van Bosnië en Herzegowina, en uit die “gebiede van Bosnië en Herzegowina, waarin Serwiërs as 'n minderheid bestaan as gevolg van die volksmoord tydens die Tweede Wêreldoorlog”.
Verder verklaar die konstitusie dat die Serwiese Republiek Bosnië Herzegowina deel uitmaak van die federale republiek Joego-Slawië.
| Wikimedia Commons bevat media in verband met Republika Srpska. |