Sien Jou Môre

Sien Jou Môre is 'n Afrikaanse rolprent wat in 1970 deur Kavalier Films vervaardig en uitgereik is. Dit is ’n kykie na die sestigerjare in Suid-Afrika, ’n era van dwelms, partytjies en sorgelose verhoudings, en was ’n gewaagde prent vir dié tyd.

Sien Jou Môre
Regisseur	Elmo de Witt
Produksieleier	Tommie Meyer, Ben Vlok
Met	Chris du Toit, Clasie Botha, Franz Marx e.a.
Verspreider	Kavalier Films
Uitgereik	1970
Speeltyd	86 min.
Land	Suid-Afrika
Taal	Afrikaans
IMDb-profiel

Genre

Die rolprent is 'n drama.

Akteurs

Van die akteurs is Chris du Toit, Clasie Botha, Tony Jay, Franz Marx en Francois van Heyningen.

Storielyn

Dis die sestigerjare en twee studente, Tien en Nelia, is verlief. ’n Vriendin sterf aan ’n oordosis en kort daarna pleeg haar vriend selfmoord. Tien voel ’n professor is vir albei se dood verantwoordelik en ’n konfrontasie ontstaan tussen die mans wat tot ’n tragedie lei.

Sien ook

• Lys van Afrikaanse rolprente
• A.P. du Plessis

Eksterne skakels

• Inligting oor die fliek^{[dooie skakel]}