Silikon-32

Silikon-32 (chemiese notasie: ³²₁₄Si) is 'n kosmogene radioaktiewe isotoop van silikon.

Eienskappe

Algemeen
Naam	Silikon-32
Protone	14
Neutrone	18
Kernspin	0+
Massa-oorskot	-24080,91 keV
Status
Status	radioaktief, kosmogeen
Halfleeftyd	144 ± 11 j
Navigasie
$\nwarrow$$\uparrow$$\nearrow$ $\leftarrow$3214Si$\rightarrow$ $\swarrow$$\downarrow$$\searrow$
Lys van isotope
Portaal Chemie
Portaal Fisika

Silikon-32 word in die atmosfeer uit ⁴⁰Ar deur splinterreaksies gevorm wat deur kosmiese straling veroorsaak word. Die gevormde silikon word skielik deur reën en kapok na die oppervlak van die planeet vervoer. Die produksie is baie laag. Ongeveer 3 000 atome bereik die oppervlak per cm² per jaar.

Verval

Die kern verval in 'n betaproses na fosfor-32:

${\ce {^{32}Si->[~114j]\ ^{32}P\ +\ e^{-}\ +\ {\bar {\nu }}_{e}}}$

Die dogterkern is ook radioaktief en verval na swawel:

${\ce {^{32}P->[14,5d]\ ^{32}S\ +\ e^{-}\ +\ {\bar {\nu }}_{e}}}$

Die meting van silikon-32 in afsettings is nie eenvoudig nie. Een metode is die gebruik van versneller-massaspktroskopie. Gewone massaspektrometrie word bemoeilik deur die aanwesigheid van ³²S in amper alle monsters. Hierdie kern is baie volop en die massaverskil tussen ³²S en ³²Si is net 1:15 000. In die versnellertegniek word hierdie probleem vermy.

Die tweede meetmetode is op die dogternuklied ³²P gebaseer. Hierdie metode is nodig in silikaathoudende afsettings of in grondwater waar die silikon-konsentrasie baie hoër is as in yskerne.

Radiometriese datering

In beginsel kan silikon-32 vir dateringsdoeleinde in die laaste 1000 jaar gebruik word, maar in 2009 is die metings nog baie moeilik en word die isotoop nog min hiervoor gebruik.

Spoorder

Die isotoop kan ook as spoorder gebruik word, maar sy beskikbaarheid was nie altyd verseker nie. In 2014 het die Amerikaanse DOE se Los Alamos-laboratorium die isotoop deur splinteringreaksie aan kaliumchloried-teikens vervaardig en beskikbaar gemaak.