Simone Lamsma

Simone Lamsma (gebore in 1985 in Leeuwarden) is 'n Nederlandse violis.

Biografie

Lamsma het op 5-jarige ouderdom die viool begin studeer, en op 11-jarige ouderdom na die Verenigde Koninkryk verhuis om onder professor Hu Kun aan die Yehudi Menuhin-skool te studeer. Op 14-jarige ouderdom maak Simone haar professionele solo-debuut met die Noord-Nederlandse Simfonieorkes met die uitvoering van Niccolò Paganini se 1ste Vioolkonsert wat met kritiese lof deur die pers ontvang word. Sy het haar studies aan die Koninklike Akademie van Musiek in Londen voortgesit met professor Hu Kun en professor Maurice Hasson, waar sy op 19-jarige ouderdom gegradueer het met eersteklas eerbewyse. In 2019 word sy 'n genoot van die Koninklike Akademie van Musiek in Londen - 'n eer wat beperk is tot 300 voormalige Akademiestudente - en toegeken word aan musikante wat hulself in die beroep onderskei. Lamsma woon tans in Nederland, en speel die 'Mlynarski' Stradivarius (1718) wat op lening is van 'n anonieme weldoener.

Werk, pryse en eerbewyse

Behalwe vir haar noue samewerking met Jaap van Zweden, het Lamsma saam met baie ander vooraanstaande dirigente gewerk; insluitende Vladimir Jurowski, François-Xavier Roth, Omer Meir-Wellber, Edward Gardner, Mark Wigglesworth, Kent Nagano, Neville Marriner, Mark Elder, Yannick Nézet -Séguin, Jukka-Pekka Saraste, James Gaffigan, Andrew Davis, Robert Trevino, Andrès Orozco-Estrada, Jiří Bělohlávek, Carlos Kalmar, Kirill Karabits, Stéphane Denève, Hannu Lintu, Yan Pascal Tortelier, Fabien Gabel, en Andris Poga. In 2017 is Simone se mees onlangse opname van Sjostakowitsj se vioolkonsert No. 1 en Gubaidulina se In Tempus praesens saam met die Nederlandse Radio-Filharmoniese Orkes onder leiding van James Gaffigan en Reinbert de Leeuw op Challenge Classics uitgereik. Die opname is ook met kritiese lof deur die pers ontvang, nes Lamsma se vorige Mendelssohn, Janáček en Schumann CD saam met die pianis Robert Kulek. Benewens haar internasionale onderskeidings, is Simone in 2010 bekroon met die nasionale Nederlandse VSCD Klassieke Musiekprys in die kategorie 'Nuwe generasie musikante' wat deur die Vereniging van Nederlandse Teaters en Konsertsale toegeken is aan kunstenaars wat opmerklike en waardevolle bydraes tot die Nederlandse klassieke musiektoneel gelewer het. In Mei 2018 is Simone deur Koning Willem-Alexander van Nederland en Koningin Máxima van Nederland uitgenooi om tydens hul amptelike staatsbesoek aan Luxemburg op te tree. Sy beskik oor 'n uitgebreide repertorium van oor die sestig vioolconcertos.

Pryse en onderskeidings

• Eerste prys, Nationaal Vioolconcours Oskar Back (2003)
• Eerste prys, Benjamin Britten-internasionale vioolkompetisie (2004)
• Eerste prys, Chinese Internasionale vioolkompetisie (2005)
• Silwermedalje Internasionale vioolkompetisie van Indianapolis (2006)
• VSCD Klassieke Muziekprijs in die kategorie 'Nuwe Generasie' (2010)

Eksterne skakels

• Lamsma se tuisblad