Siriese Burgeroorlog

burgeroorlog wat in 2011 begin het

Die Siriese Burgeroorlog (Arabies: الحرب الأهلية السورية), ook bekend as die Siriese Rewolusie, is ’n voortslepende konflik in Sirië. Die onrus het in die vroeë lente van 2011 begin met landwye opstande teen president Bashar al-Assad se regering, wie se magte gereageer het met gewelddadige ingrypings. Dit het ná maande van militêre beleërings geleidelik omgesit in ’n gewapende rebellie.[1]

Siriese Burgeroorlog
Huidige militêre situasie:  Rooi : Regering,  Groen : Rebelle,  Geel : Koerde (Rojava),  Grys : ISIL,  Wit : al-Nusra-front
Huidige militêre situasie:
 Rooi : Regering,  Groen : Rebelle,  Geel : Koerde (Rojava),  Grys : ISIL,  Wit : al-Nusra-front
Datum 15 Maart 2011 – hede
Ligging Sirië (en buurlande)
Status Voortslepend
Strydende partye Regering, opposisie, ISIL

KonflikWysig

Die gewapende opposisie bestaan uit verskeie groepe wat tydens die konflik gevorm het, veral die Vrye Assiriese Leër, wat die eerste groep was wat in 2011 wapens opgeneem het, en die Islamitiese Staat in Sirië (ISIS), wat in 2013 gestig is. In 2013 het Hezbollah tot die oorlog toegetree ter steun van die Siriese leër.[2][3]

In die ooste het die Islamitiese Staat in Irak en die Levant (ISIL), ’n djihadistiese militante groep wat sy oorsprong in Irak het, vinnig gebiede in Sirië en Irak verower en met die ander rebelle gebots. Teen Julie 2014 het ISIL ’n derde van Sirië se grondgebied beheer, asook die meeste van sy olie- en gasvervaardiging, en homself so gevestig as die grootste opposisiemag.[4]

Teen Julie 2013 was die Siriese regering in beheer van sowat 30–40% van die land se gebied en 60% van die bevolking.[5] ’n Verslag van die Verenigde Nasies in laat 2012 het die konflik beskryf as "openlik sektaries van aard", tussen hoofsaaklik Alawitiese regeringsmagte, militias en ander Sjiïtiese groepe[6] wat veral veg teen Soennities-oorheersde rebellegroepe,[7][8] hoewel beide opposisie- en regeringsmagte dit ontken het.[9][10]

Vanweë buitelandse betrokkenheid is die konflik al ’n oorlog by volmag genoem, waar nie een van die kante mekaar direk aanval nie, maar mekaar se bondgenote.[11] In Januarie 2015 was die dodetal al meer as 220 000,[12] en in April 2015 na beraming tot 310 000.[13] Internasionale vredesorganisasies het die Siriese regering, ISIL en ander opposisiemagte van erge menseregteskendings met vele slagtings beskuldig.[14][15][16][17]

Die Siriese regering is na berig word verantwoordelik vir die meeste burgerlike sterftes en oorlogsmisdade, dikwels deur bombarderings.[14][16][18][19] Tienduisende opstandelinge en aktiviste is ook al in hegtenis geneem en daar is berigte van marteling in staatstronke.[20][21][22]

Die VN en baie internasionale organisasies het al die erns van die konflik uitgestip. Meer as 7,6 miljoen Siriërs is van hul woonplek ontneem en meer as 4 miljoen het uit die land gevlug na lande soos Griekeland, Turkye, Libanon, Jordanië, Irak en Egipte. Nog miljoene woon in swak omstandighede met ’n tekort aan kos en drinkwater.

VerwysingsWysig

  1. Khaled Yacoub Oweis, Erika Solomon (22 Februarie 2012). "Bombardment of Syria's homeless kills 21 people". Reuters. Geargiveer vanaf die oorspronklike op 3 Oktober 2013. Verkry op 21 Julie 2014. 
  2. Bassem Mroue (25 Mei 2013). "Hezbollah chief says group is fighting in Syria". Associated Press. Verkry op 25 Mei 2013. 
  3. "Al Nusrah Front claims 3 more suicide attacks in Daraa". 27 November 2012. Geargiveer vanaf die oorspronklike op 2 Desember 2012. 
  4. "ISIS Consolidates". 2014-08-01. Verkry op 2014-08-11. 
  5. Hubbard, Ben (17 Julie 2013). "Momentum Shifts in Syria, Bolstering Assad's Position". The New York Times. Verkry op 10 Augustus 2013. 
  6. Martin Chulov (12 Maart 2014). "Controlled by Iran, the deadly militia recruiting Iraq's men to die in Syria". The Guardian. Najaf. Verkry op 2014-05-21. 
  7. "Sunni v Shia, here and there". The Economist. URL besoek op 14 September 2013
  8. "UN says Syria conflict is 'overtly sectarian'". 20 Desember 2012. 
  9. "Nasrallah says Hezbollah will not bow to sectarian threats". NOW News. 14 Junie 2013. Verkry op 21 Oktober 2013. 
  10. "Syria Opposition Contradicts U.N., Says Conflict not Sectarian". Naharnet. 22 Desember 2012. Verkry op 21 Oktober 2013. 
  11. "By arming Syria rebels, US drawn into proxy war". Yahoo News. 15 Junie 2013. 
  12. Hadid, Diaa. "Syrian rebels and government reach truce in besieged area". Huffington Post. Verkry op 18 Maart 2015. 
  13. Ben Brumfield, CNN (17 April 2015). "Double the death toll: Anyone care about Syria? - CNN.com". CNN. 
  14. 14,0 14,1 "UN Details Rampant War Crimes By ISIS And Assad's Regime". 27 Augustus 2014. Verkry op 15 Oktober 2014. 
  15. Abdelaziz, Salma. "Syrian rebels blame 'heinous' executions on 'extremists'". CNN. Verkry op 15 Oktober 2014. 
  16. 16,0 16,1 "Syria and Isis committing war crimes, says UN". 27 Augustus 2014. Verkry op 15 Oktober 2014. 
  17. "UN human rights probe panel reports continuing 'gross' violations in Syria". Verenigde Nasies. 24 Mei 2012. Verkry op 12 September 2013. 
  18. "UN Commission: ISIS Not The Sole Agent Of Death And Destruction In Syria". The Huffington Post. 16 September 2014. Verkry op 14 Oktober 2014. 
  19. FIDH https://www.fidh.org/International-Federation-for-Human-Rights/north-africa-middle-east/syria/syria-isil-s-brutality-must-not-overshadow-the-crimes-of-the-syrian. Verkry op 17 Junie 2015.  Ontbrekende of leë |title= (help)
  20. Salloum, Raniah (2013-10-10). "Spiegel, 10 Oktober 2013". Spiegel. Verkry op 2014-05-21. 
  21. "Syria torture archipelago". 
  22. "thedailybeast 7 Julie 2014". The Daily Beast. Verkry op 2 Oktober 2014. 

Eksterne skakelsWysig